London here we come

Þá er ég að fara að fljúga til London eftir nokkra tíma til að horfa á Arsenal etja kappi við Newcastle. Eins gott að skytturnar standi sig vel.

Og svo er það bara London eye, vona að ég deyji ekki úr lofthræðslu he he

Sorry ég trúi þér ekki...

...þú hefur orðið svo oft uppvís að lygi að það er ekki hægt að trúa einu orði sem þú segir. Synd, þú hefur eflaust einhvern tíman rétt fyrir þér, leitt að vita ekki hvenær.

Bush segir fjölgun í hernum í Írak hafa borið árangur

Þarna er ég sammála

Mér er það óskiljanlegt að vesturveldin með BNA í broddi fylkingar séu stanslaust að gagnrýna Pakistan fyrir linkind gegn ofsatrúarmönnum. Málið er að í Pakistan er ein helsta uppspretta öfgahyggju og það er meira en að segja það að berjast við slikt ástand. Á viku hverri heyrast fréttir af bardögum milli hersins og öfgamanna. Það er rétt hjá Musharraf að það gæti haft alvarlegar afleiðingar fyrir evrópu og BNA ef stríðið í Pakistan tapast. Það þarf ekki annað en að setja smá tenginu við það hvernig ástandið í Afganistan var þegar árásin var gerð á tvíburaturnana 2001 til að skilja afleiðingarnar. Ekki geri ég ráð fyrir að BNA vilji slíkt þjóðfélagsástand í Pakistan.

Þá er mér spurn yfir því hvort Pakistan sé undir það búið að búa við lýðræði. Það gæti alveg eins farið þannig að öfgamenn kæmust til valda eins og gerðist í Palestínu. Hvað ætlar BNA að gera þá? Að mínu mati ættu vestuveldin frekar að reyna að hjálpa til að vinna gegn öfgahreyfingum fremur að ýta undir þau. Sjálfir hafa Bandaríkjamenn ekki náð neitt sérstökum árangri gegn öfgamönnum í Írak þannig að þangað til ættu þeir að segja minna og gera meira.

Musharraf aðvarar Vesturlönd

Góð grein

Ætlaði að blogga um valdaránið í borginni en hún Signý kemst vel að orði hér

Hverslags forsætisráðherra erum við með?

Hann er svo ótrúlega upptekinn af því að styggja ekki nokkurn mann að það eina sem maður heyrir frá honum er setningar eins og að hitt og þetta sé gott eða slæmt, farið varlega, haldið ró ykkar, allir saman nú og eitthvað álíka.

Ég persónulega finnst Geir einfaldlega vera hættur að heilla mig og hættur að hneyksla mig nema fyrir það eitt að maður er hættur að heyra nokkurn skapaðan hlut nema hann sé á svo jafn almennum nótum og stefnumótunarplagg nýja meirhlutans í borginni.

Hrópandi mótsögn

Að nota kjarnorkuvopn til að koma í veg fyrir að gereyðingavopnum verði beitt!!! Finnst ykkur vera einhver móstögn í þessu? Ef kjarnorkuvopn er ekki gereyðingarvopn hvað er þá gereyðingarvopn?

Vesturveldin hvött til undirbúnings kjarnorkuárása

Enda er geðvonska og leti allsráðandi

Ég held að þetta sé rétt.

• Kíkti á heimabankann og eyddi nánast því sem ég á eftir fyrir þennan mánuð
• Vaknaði klukkan þrjú í nótt og gat ekki sofnað aftur
• Letin er að drepa mig og ég nenni alls ekki á æfingu á eftir
• Hlutabréfin og krónan hrundu sem aldrei fyrr
• Veðurfréttirnar eru leiðinlegar
• Ég er í þunglyndi út af handboltaliðinu okkar
• Ég sagði kennaranum mínum til syndanna í tölvupósti (sem maður á ALDREI að gera)
• Það var keyrt á bílinn minn

En sem betur fer er þetta svona "venjuleg" leiðindi. Ekkert sem lagast ekki með góðri tónlist eða góðum félagsskap

Versti dagur ársins í dag

Eigi skal höggva

Það gleður eflaust Árna Matt að losna við kastljósið enda ekki átt sjö dagana sæla undanfarið. Framsóknarmenn hafa tekið við keflinu en ég bara spyr, er það ekki hagsmunamál stjórnmálaflokks að frambjóðendur þeirra séu vel klæddir? Ég bara spyr, hvað er athugavert að flokkurinn hjálpi frambjóðendum sínum að klæða sig vel í harðri kosningarbaráttu?

Auðvitað er stóra hnífamálið miklu skemmtilegra enda eru Bingi og Guðjón Ólafur miklir listamenn. Að geta kastað heilu settunum í bakið á hinum og skotskífan brosir út að eyrum er merkilegt afrek. Það eru heldur ekki algengt að menn séu að henda hnífum í íslenskum stjórnmálum, það myndast nefnilega þessi skemmtileg þagnarmúr þegar eitthvað ljótt kemur í ljós. Ingibjörg segir þetta og hitt og Össur aðlagar sig eins og urriðinn að breyttum aðstæðum þegar hann er kominn stjórn.

Stormur í vatnsglasi en af því að þetta er Framsóknarflokkurinn hamast fjölmiðlamenn eins og hrægammar á hræi. Það liggur við að stóra hnífamálið sé stærra en litli dómaraskandallinn.

Árni Matt er sigurvegarinn enda getur hann eflaust dreift spjótunum sem stóðu að honum meðal framsóknarmanna og fengið þannig dágóðan frið næstu vikur og mánuði.

Ómakleg framganga

Gaman í skólanum

Ég er í svökölluðu MPM námi en það er nám í verkefnastjórnun á meistarastigi. Mjög gagnlegt nám þar sem er blandað saman á skemmtilegan hátt stjórnunarsálfræði og hinum "structuruðu" vinnubrögðum verkfræðinnar.

Það var gaman að hitta skólafélagana á ný eftir jólafríið og hitta þau í góðum gír eftir skóla.

Ég mæli sérstaklega með þessu námi sem hafa áhuga á verkefnastjórnun. Það hefur skilað mér mikilli þekkingu og gert mig tíuþúsund sinnum hæfari í verkum mínum. Ekki skaðar að atvinnulífið bíður eftir þessum verðandi verkefnastjórum með eftirvæntingu og verkefnastjórnun á klárlega eftir að skipa mun meiri sess í framtíðarstjórnun fyrirtækja.

En þetta er mikil vinna og ég er vægast sagt búinn að sitja við undanfarnar tvær vikur og gera lítið annað en að læra og vinna en það er þess virði.

Geðvonska

Ég er svo geðvondur núna að hálfa væri nóg af eftirfarandi ástæðum:

• Ég sé fram á að fara ekki á íþróttaæfingu á morgun.
• Ég er ekki búinn að sofa nægilea í vikunni.
• Ég fann villu í vinnunni minni sem er óþolandi
• Ég borðaði yfir mig í hádeginu (eins gott að maturinn var góður)
• Ég náði ekki að klára vinnuna mína áður en ég fór í skólann
• Ég stalst til að fá mér ís þegar ég ætlaði ALLS EKKI AÐ BORÐA NEITT ÓHOLLT
• Skólinn var afspyrnu tilgangslaus og leiðinlegur í kvöld. Jafnan er hann mjög vandaður og ég læri mjög mikið í honum.
• Horfið á svía mala íslendinga í handbolta í hundraðasta sinn
• Var með störu eftir leikinn og horfið á eitthvað leiðinlegt sem ég veit ekki hvað var
• Ég er ekki farinn að sofa
• Mér leiðist að skafa snjó af bílnum
• Tímaáætlunin breyttist í vor í skólanum og eyðileggur utanlandsferðarplanið mitt í vor
• Ég náði ekki að lesa nægilega mikið fyrir morgundaginn
• Pítan mín rifnaði og innihaldið lak á gólfið yfir svíaleiknum
• Mér finnst heimurinn vera bjánalegur
• Mig langar í nammi og kók
• Stundum er ég bara geðvondur af engri ástæðu

Af þessum ástæðum er ég búinn að skammast, nöldra, snúa út úr og bulla út um allan bloggheim í geðvonskunni. Ef ykkur finnst ég hafa verið ósanngjarn megið þið velja eina af ástæðunum hér að ofan sem ykkur finnst best viðeigandi til að afsaka skrifin mín hjá ykkur eða ef bloggið mitt ofbýður ykkur