Aldrei fundist jólasveinninn skemmtilegur

Einhverjir gaurar sem láta eins og fífl. Eins og það að haga sér eins og nógu mikill vitleysingur sé eitthvað fyndið. Svo eru einmitt sumir krakkar einfaldlega hræddir við þá. Ég hef reyndar aldrei verið það en ég hef séð krakka umturnast af hræðslu. Botninn tók úr þegar ég fór á selfoss á þrettándanum fyrir nokkrum árum og sá þessa bjána vera hangandi utaná bílum og hagandi sé eins og maður væri í einhverjum apabæ.

Þeim til varnar verð ég þó að taka fram að á jólaskemmtuninni í vinnunni núna um jólin komu mjög sniðugir jólasveinar. Þeir voru greinilega búnir að æfa sig og voru með skemmtiatriði og fengu krakkana og fullorðna alveg með sér. Sýndu töfrabrögð, sungu og sögðu brandara. Ég var mjög ánægður með þá. En ég er ekki ánægður með jólasveina þar sem aðalskemmtunin er að vera nógu vitlaus og klunnalegur.

Börn eru hrædd við trúða

Fyrirséð úrslit

Ég uppskar ekki mikinn fögnuð í hádeginu þegar ég spáði íslendingum lélegum úrslitum í þessari keppni. Óheppnin er einfaldlega búin að elta þá allt undirbúningstímabilið. Sumir urðu veikir, aðrir meiddust og það einhvern veginn gekk ekki neitt. Hálft liðið er tæpt vegna meiðsla. Síðan fara þeir út með digurbarkalegar yfirlýsingar að þetta sé besta liðið frá upphafi og annað í þeim dúr.

Mín mestu ósigrar á vellinum hafa einmitt verið eftir að hálft liðið hefur verið með álíka yfirlýsingar og íslenska liðið var með áður en þeir fóru til Noregs.

Væntingarnar sem þeir sjálfir voru búnir að keyra upp urðu þeim klárlega að falli í þessum leik því það voru ekki svíarnir sem unni þennan leik, íslendingarnir töpuðu honum.

Svíar sigruðu

Hverju skiptir það?

Ætli þeim sé ekki sama þó að þeir borgi smá sekt, þeir eiga nóg af peningum og því er þessi refsing algjörlega gagnslaus.

Chelsea sektað um rúmar 5 milljónir króna

Ótrúlega heppilegt

Ótrúlega heppilegt fyrir Bush og hans menn að gögnunum hafi bara verið eytt. Alveg eins og mörg önnur gögn um Bush og félaga hafa af einhverjum einkennilegum ástæðum horfið eða þeim verið stolið án þess að þjófurinn hafi gert þau opinber.

Tölvugögnum Hvíta hússins líklega eytt

Nammidagurinn litli

Í dag er (löglegur) nammidagur. Búinn að vera í Bootcamp síðustu daga og á laugardögum má ég hafa nammidag. Eftir hlaup og æfingar síðustu daga er ég hins vegar með svo mikla strengi að það er varla að ég nenni út í búð að kaupa mér nammi og annan ólifnað.

Ég lét þó verða af því og keypti mér fullan poka af alls konar góðgæti sem kætir bæði Karíus & Baktus sem og vigtina. Í hádeginu byrjaði svo ballið, pizza rann ljúflega niður hungraðan bóndason og því var skolað niður með alvöru sykruðu kóki.

Það vildi ekki betur til en svo að xxx pizzan fór öfug ofaní mig þannig að ég fékk illt í magann af þessu ógeði og gat ekki farið að gæða mér á annari fæðu fyrr en um kvöldmatarleytið. Þrátt fyrir góðan vilja verð ég að skilja ca helminginn af öllu sem ég keypti eftir til næstu helgar

ég er illa svikinn og heimta endurgreiðslu á nammideginum mínum

Það eru auðvelt að lofa...

...en ég dæmi þessi ummæli ekki fyrr en ég sé þau í verki.

Ef til vill tilefni til að styrkja faglega ferla

Þegar barnið nær að brjótast út

Á hlaupabraut lífsgæðakapphlaupsins gefst ekki alltaf tóm fyrir fjölskylduna. Stanslaus vinna og nám taka því miður allan minn tíma núna á meðan konan og barnið bíða á hliðarlínunni eftir að hægist á kapphlaupinu í vor þegar ég útskrifast. Maður hefur heldur ekki tíma fyrir vini né áhugamál og ekki laust við að daglegt brosið víki stundum fyrir einbeitingarsvip og þreytu.

Það var mér því mikið gleðiefni og dýrmæt stund eftir ofsalegan lífsgæðasprett í þessari viku að fara í nokkura mínútna fótboltaleik með 4ja ára syni mínum. Barnið í mér blómstraði og við veltumst um gólfin af hlátri og leik. Veltum kertastjökum og jólaskrauti um koll í látunum svo að það lá við skömmum frá betri helmingnum. Síðan voru tennurnar burstaðar og lesin saga fyrir svefninn.

Þetta eru dýrmætu stundirnar í lífinu. Þessi litli hálftími er búinn að bjarga fyrir mér vikunni og gefa mér svo dýrmæta minningu og tíma með syni mínum. Það vottaði hvorki fyrir þreytu né einbeitingu í andliti mínu yfir námsbókunum í kvöld heldur er ég búinn að flissa og brosa eins og það væri eitthvert kitlandi í maganum á mér.

Við skulum ekki gleyma gullnu augnablikunum með fjölskyldunni þrátt fyrir annríki.

Hefðum ekki átt að ráðast á Írak

Ætli einhver eftirmaður Bush eigi ekki eftir að láta þetta út úr sér opinberlega til að leiðrétta mistök hans.

Áttum að sprengja Auschwitz

Meira bullið

Hverjum er ekki sama um fjölda heimsmeistaramóta. Svo lengi sem greinin er viðurkennd meðal annars kynsins þá er alveg fáránlegt að hindra hitt kynið í að keppa á slíkum forsendum.

Þetta væri annað ef þetta væri einhver ný íþrótt eða að það væri ekki venja fyrir skíðastökki á ólympíuleikunum yfir höfuð. Skíðastökk karla og kvenna er sama íþróttin bara sitthvort kynið að keppa innbyrðis.

Skíðastökk kvenna úti í kuldanum

Lélegt kynlíf

Ég reikna með að þau hafi bæði verið orðin leið á kynlífinu heima fyrir

Hitti konuna í vændishúsi