Tók til í morgun

Ákvað að sannreyna þessa kenningu og gerði eftirfarandi tilraun. Ég tók öll fötin sem lágu á gólfinu og á stólnum mínum og setti þau í þvottavélina. Síðan tók ég skálina sem ég hafði borðað morgunmatinn í og setti hana í uppþvottavélina mína.

Og viti menn, eftir þessa litlu en ánægjulega æfingu leið mér bara miklu betur

Heimilisstörfin bæta geðheilsuna

Bilun í tölvukerfi?

Er þetta ekki komið á það stig að það sé hægt að tala um að það hafi aldrei verið í lagi þ.e. að það sé einfaldlega gallað? Þetta tölvukerfi á væntanlega eftir að rata í skólabækur framtíðarinnar um dæmigert verkefni sem hefur farið úrskeiðis.

Enn erfiðleikar á Heathrow flugvelli

Ritstífla

Búinn að vera í fríi í vinnunni í tvo daga til að mjaka lokaritgerðinni minni áfram. Búinn að lesa og lesa og byrjaður að skrifa aðeins í gær en í morgun vaknaði ég með ritstíflu. Einhvers staðar hef ég glatað skáldagáfunni í draumum mínum. Á endanum gafst ég upp og fór aðeins út en allt kom fyrir ekki, það er bara allt falið djúpt í hyldýpi hugsana minna. Ég vona sannarlega að þessi litla og ruglingslega bloggfærsla geti endurræst svæðið í heilanum sem krassaði í nótt.

Jafnvægi í náttúrunni

Hvað á hann við með að viðhalda jafnvægi í náttúrunni. Er hann þá almennt á móti því að veidd séu dýr úr villtum dýrastofnum? Er hann þá að meina að við (og svíar) eigi ekki að veiða fisk, hreindýr og önnur dýr? Mér finnst þetta harla léleg rök, ef það má veiða fisk má alveg eins veiða hvali.

Svíar gagnrýna hvalveiðar

Þetta vissi ég nú af fenginni reynslu

Hvorki ég né konan mín höfum áhuga á bílum, vinnuvélum eða öðru í þeim dúr. Samt er sonur minn með meiri dellu en eðlilegt getur talist og puðraði og taldi jafnan fjölda krana og vörubíla á leiðinni til dagmömmunnar sinnar.

Vísbendingar um eðlislægan áhuga stráka á „strákaleikföngum“

Sparnaðarráð

Eyða minna, spara meira

Umferðarteppa

Hún ætti kannski að beita sér fyrir því að leysa umferðateppuna sem myndast á slysó á hverjum degi. Sjá frétt hér

Spyrjum að leikslokum

United á eftir að spila við Chelsea og Arsenal. Það getur ýmislegt gerst á síðustu metrunum og þegar liðin eiga eftir að spila innbyrðis þá getur ýmislegt gerst, það er bara einn leikurinn við Liverpool og Arsenal sem telur í deildinni. Mér er það enn í fersku minni þegar Newcastle var með margra stiga forskot þegar örfáar umferðir voru eftir en töpuðu forskotinu á undarlegan hátt. Ef Ronaldo eða Rooney myndu meiðast gæti það til að mynda haft alvarlegar afleiðingar fyrir árangurinn hjá félögum Ferguson á endasprettinum.

Ég held að þessi ummæli eigi bara eftir að efla Arsenal og United hefur ekki farið vel út úr síðustu leikjum sínum við liðið.

Alex Ferguson: Þrennan við Liverpool mun koma Arsenal út úr baráttunni um titilinn

Sennilega mesti vesalingur vestra

Þessi vesæli maður er með spæjara á launum til að sverta mannorð barnsmóður sinnar og koma henni í vandræði og lætur svo Britney sjálfa borga launin þeirra. Á meðan situr hann og reykir jónur í við upptökur eigin tónlistar sem nýtur engra vinsælda. Svo þykist þessi bjáni vera svo saklaus og góður en er ekkert annað en úlfur í sauðagæru.

Federline vill vera góð fyrirmynd

Það er alveg ljóst

Það færi enginn nema sá sem á við sálræna erfiðleika að stríða að gera svona.

Fundinn sekur um að hafa sett dóttur sína í örbylgjuofn