Bíddu meðan ég æli

Keppti fyrsta knattspyrnuleik ársins utanhúss í gær. Minns ekki í góðu formi og ekki sem bestur í heilsunni þannig að ég mætti með sólgleraugun til að fólk sæi mig ekki. En gestgjafarnir voru erfiðir viðureignar en ég bjóst við og það var erfitt að burðast með þessi döpru aukakíló. Að sjálfsögðu vildi ég nú ekki viðurkenna vanmátt minn né að ég væri eitthvað þungur á mér þannig að ég keyrði mig út í upphafi seinnihálfleik. Fékk að hvíla á bekknum í kortér en fór aftur inn á síðasta kortérið (æfingaleikur og frjálsar skiptingar). En síðasta kortérið var ekki það besta því ég var ennþá alveg búinn þegar ég kom aftur inná. En til að þjálfarinn, áhangendur og samkeppnisaðilar um stöður í liðinu sæi ekki að ég væri bara ekki betri harkaði ég af mér. Á endanum gat ég ekki meir og bað dómarann að bíða meðan ég ældi (hann hélt að ég væri að grínast og hló að brandaranum mínum). Frekar vildi ég æla en að gefa stöðuna mína eftir og ég held að mér hafi tekist að gera það án þess að fólk hafi áttað sig á því hvað gerðist í raun og veru . Í framhaldi af lélegu líkamsformi og nokkrum aukakílóum ætla ég að fara að hreyfa mig meira og borða hollari mat. Frekar æli ég 10 sinnum heldur en að missa stöðuna í liðinu

Á hverju áttu menn von?

Ef einhver hefur trú á því að heiðarleiki sé í fyrirrúmi í þessari endurtalningu má hinn sami commenta um það hér fyrir neðan.

Fyrstu niðurstöður endurtalningar Zanu-PF í hag

Engar áhyggjur Liverpool

ef illa gengur í seinni leiknum kemur dómarinn ykkur til hjálpar

Benítez: Gríðarleg vonbrigði en við eru færir um að sigra á Stamford Bridge

Gróðurhúsaspámennska

Það er nú alveg bráðfyndið að rökstyðja að gróðurhúsaáhrifin séu hugarburður með að taka eitt ár út (og sumir jafnvel styttri tíma) og dæma gróðurhúsaáhrifin út frá því.  Af því að núverandi vetur er ekki eins hlýr og síðustu vetur þá eru gróðurhúsaáhrifin sjálfkrafa bull. Ég er nú ekki gamall, rétt skriðinn í 30 árin en ég man mjög vel eftir því harðari vetrum en voru núna og ég tala nú ekki um þá sem hafa verið síðustu 4-5 ár. En það er eins og fólk gleymi því að það ðbúi á Íslandi og a á Íslandi skuli snjóa á veturna og hitastigið fara undir frostmark.

Eru þeir orðnir galnir

Skattamál og hvíldartími bílstjóra er innanríkismál okkar íslendinga. Þessar reglur ógna engum og umdeilt hvort mótmæli bílstjóra eigi rétt á sér yfir höfuð. Ekki ætla ég að taka afstöðu til þess hér en af einhverjum ástæðum þá hafa bílstjórar ákveðið að ögra íslenskum stjórnvöldum meðan þeir eru að ræða málefni eins lengsta stríðs heimsins við forseta kúgaðrar þjóðar og hafa í heimsókn mann sem hefur gert kraftaverk í viðleytni til friðar.

Mér finnst þessi ögrun í hæsta lagi ósmekklegt og tilgangurinn helgar ekki meðalið þegar slíkir gestir sem eiga jafn mikið undir aðgerðum heimsins.

Ég vildi gjarnan að bensínið myndi lækka en bílstjórarnir hafa gengið allt of langt í þetta skiptið, bensín álagning og hvíldartími bílstjóra á Íslandi er innanríkismál en ekki málefni Palestínumanna.

Bílstjórar fóru með friði

Knattspyrnufélagið Ástríkur PSV

Þá er fyrsti æfingaleikurinn afstaðinn. Þjálfarinn komst ekki og stýrði ég því liðinu gegn mínum gömlu félögum úr sveitinni. Að sjálfsögðu unnum við þá en ég held að ég verði að gera eitthvað í þolinu. Kannski byrja á því að missa nokkur kíló

Skipt um leiðslur

Þá er búið að skipta um hjartaleiðslur í kallinum. Helstu hjartaæðar orðnar slappar og fullar af drasli þannig að það þurfti að skipta um. Kallinn var settur upp á borðið í dag, dælan tekin úr sambandi og nýjum leiðslum komið fyrir. Aðgerðin gekk vel að sögn lækna og þeir ráðleggja okkur að reyna ekki að keppa við hann í Esjugöngu þegar hann verður búinn að jafna sig í sumar þar sem hann myndi líklega vinna okkur.

Vissulega er maður alltaf stressaður yfir svona aðgerð því hún er langt frá því að vera hættulaus. En pabbi var nú ekki stressaður yfir þessu, hlakkaði bara til og fannst verst að geta ekki séð hvernig þeir framkvæma aðgerðina.

Að hringja í frægan

Þurfti að fá viðtal við landsþekktan leikstjóra í dag. Það er tveggja tíma process að taka upp símann í slíkt. Fyrst þarf maður að vita hvað leikstjórinn er nú búinn að gera í gegnum tíðina þannig að maður líti ekki út fyrir að vera algjör hálviti í símanum. Google og vinnufélagar redduðu lista yfir allt sem hefur drifið á daga hans (15mín).

Þá þurfti að finna út hvar ég gæti nú hitt hann. Það þarf auðvitað að vera á rólegum og þægilegum stað s.s. góðu kaffihúsi. Vandamálið er að ég er enginn kaffihúsakall og þurfti því aftur ráðgjöf vinnufélaganna. Það kostaði rökræður margra fram og til baka hvaða kaffihús væru nú best (15 mínútur).

Ja.is reddaði númerinu á 1 mínútu.

Hvað á ég svo að segja við kallinn þegar hann svarar? Góð spurning. Þessu velti ég fyrir mér fram og aftur því ég þurfti auðvitað að hljóma gáfulega svo hann héldi ekki að ég væri einhver amatör. Eftir hálftíma íhugun kreisti ég fram nokkra punkta sem ég skrifaði niður. Nú var ég kominn með lista yfir ferilinn hans, símanúmerið og hvað ég ætlaði að segja. Já best að skrifa nafnið sitt á miðann ef ég skildi stressast upp og fara að stama. Þá gæti ég bara lesið það beint upp af blaðinu mínu. "Góðan daginn, ég heiti Steinn og er að gera..." Já hljómar vel.

Nú er þetta orðið skothelt. Ef ég verð stressaður og gleyminn þá er allt sem ég ætla að segja skrifað á blaðið. Ef hann spyr hvar við eigum að hittast er ég með tillögu um það og já...best að skrifa niður tillögu að tíma ef það dæmist á mig að koma með svoleiðis. Nú getur ekkert klikkað, netið er búið að upplýsa mig svo mikið um hann að ég veit sennilega meira um hann en hann sjálfur ef hann skildi fara í einhverja spurningaleiki um sjálfan sig.

En það er eitt sem ég gleymi, ég má alls ekki hljóma stressaður, þá heldur hann að ég sé bara að þessu til að fá eiginhandaráritun. Best að lesa listann yfir og fá sér einn kaffibolla. Af einhverjum eru núna liðnir tveir tímar síðan ég ætlaði að hringja en ég hef loksins komist að þeirri niðurstöðu að þetta er ekkert verra en hvert annað verkefni, það þarf bara að vinna það og óþarfi að vera eitthvað stressaður. Með skjálfandi hendi og svitabletti undir höndunum hringi ég loksins.

TALHÓLF!!! ÉG ER BÚINN AÐ EYÐA TVEIMUR KLUKKUTÍMUM Í ÞETTA OG ALLT SEM ÉG FÉKK ÚT ÚR ÞVÍ VAR TALHÓLF

Að fara úr betra liði í verra

Af hverju að fara frá góðu liði á uppleið í lélegra lið sem er búið að ná toppnum? Ef ekki er um að ræða óánægju með veruna hjá Arsenal sem hefur þá ekki komið á yfirborðið er maðurinn annað hvort að sækjast sérstaklega eftir að spila á Ítalíu eða þarna spila peningar inn í.

Þetta er í öllum tilvikum slæmt fyrir Arsenal ef rétt reynist því Hleb er einn af máttarstólpum þessa frábæra unga liðs sem hefur sprungið út í vetur og á eftir að gera góða hluti næstu ár.

Hleb sagður vera búinn að semja við Inter

Af hverju ekki að forgangsraða

Af hverju er ekki hægt að gera þetta á aðeins vísindalegri hátt og byrja þar sem flest slysin verða? Ætli það séu tréhestar sem ráða þessu?

Engin tvöföldun í bráð