Börnin koma með storkinum

Æ greyin, kanarnir hafa ekki ennþá uppgötvað að konur eru með brjóst og xxx og karlar eru með xxx. Börnin koma ennþá með storkinum

Sekt vegna brjóstasýningar ógilt

Fæ aldrei að skipta um bleyjur

Já, ég held að það sé kominn tími til að konan mín leyfi mér að skipta um bleyjur, svæfa barnið, gefa því að borða o.s.frv. að ég tali nú ekki um önnur heimilisstörf. Ég er búinn að biðja konuna mína um að fá að skúra, vaska upp og ryksuga síðan sonur okkar fæddist en hún er bara ófáanleg til að láta völdin á heimilinu af hendi

Konan láti karlinn læra af reynslunni

Skilaboð

Í nótt fékk ég 22 skilaboð í tölvupósti. Þetta voru hin ýmsu skilaboð, aðallega einhver tilboð frá ýmsum aðilum. Ég stóðst auðvitað ekki mátið að skoða allt sem ég fékk sent og viti menn.

1. Ég fékk skilaboð um að senda allar bankaupplýsingar í tölvupósti af því að þær hefðu glatast. Ég kannast reyndar ekki við að vera viðskiptavinur hjá Chase Bank svo þetta hlýtur að vera misskilningur.

2. Ég fékk svakalega gott tilboð í hugbúnað fyrir tölvuna mína. Sennilega þarf ég að borga það með kreditkortanúmerinu mínu.

3. Ég fékk nokkur skilaboð þar sem ýmsir aðilar gátu reddað fjárhagnum hjá mér á ótrúlega skömmum tíma þannig að ég þurfi aldrei aftur á ævi minni að hugsa um skuldir.

4. Alltaf gaman að sjá úrvalið af lyfjum sem maður getur keypt á netinu. Núna þarf ég ekki að hafa áhyggjur af útlitinu, kynlífinu eða öldrun framar. Þetta eru svo mikil undralyf að það á eftir að líða yfir konuna mína og ég verð svo hrukkulaus og ungur að ég þarf ekki að hafa áhyggjur af því að eldast.

5. Að sjálfsögðu var mér boðið að kaupa meira klám en ég gat ímyndað mér og aðeins fyrir 10$

6. Síðan er hægt að kaupa hitt og þetta s.s. úr, skartgripi, skó og fleira á brot af því sem hægt er að fá það út úr búð. Reynar er Gucci uppseldur því miður.

7. Spilavíti á netinu, ég get unnið hærri upphæð en ég get ímyndað mér þar sem 200$ verða að hærri upphæð en ég get borið.

8. Gaman að geta horft á kynlíf með Christina Aguilera og Angelinu Jolie.

Þegar ég fer svo að skoða póstinn nánar þá kemur í ljós að ég hafi ómeðvitað sent mér stóran hluta af þessum pósti sjálfur. Sendaninn var bara skráður "me".

Þetta voru mikilvæg og gefandi skilaboð og ég treysti þessum náungum sem sendu mér þau auðvitað fyrir kortanúmerinu mínu fram og til baka.

Eigiði góðan dag

Snemma byrjar það

Sat með 5 ára syni mínum á matsölustað þar sem ég keypti handa honum ís úr vél og mátti hann fá ótakmarkað úr vélinni. Þegar hann gat ekki klárað síðusta skammtinn dró ég hann að landi. En stuttu síðar vildi hann meira sem ég leyfði honum en sagði honum þegar hann gat ekki klárað ábótina að það mætti ekki fara oftar ef ég myndi draga hann að landi.

Hann horfði á mig eins og ég væri frá annari plánetu: "hefurðu einhvern tíman unnið hérna?"

Ég varð að viðurkenna að það hefði ég aldrei gert of fékk að bragði eftirfarandi setningu ásamt hneykslissvip: "þá veistu ekkert um það"

Og hvað með það?

Ég hef aldrei skilið þessa hækkunarvísitölu. Það skiptir veskið mitt ekki neinu máli hver hækkar og hver lækkar heldur hvað karfan kostar. Það er auðvitað nauðsynlegt að fylgjast með því hvernig verðlag þróast en þessi verðbreytingarvísitala segir mér afar lítið ef könnunin sýnir ekki hvað varan kostar. Ég býst við því að þeir sem hafi lægstu álagninuna hafi minni tækifæri á að taka á sig verðhækkanir og því er rökrétt að lágvöruverslanir sem eru með lága álagningu neyðist til að hækka meira en verslanir sem hafa meiri álagningu.

Þessi könnun segir mér því afar lítið annað en að verðlag er að hækka en það dugar mér að fylgjast með verðbólgutölum til þess. Það myndi gagnast mér betur að sjá samanburð á hvað karfan kostar í hverri búð fyrir sig heldur en hvað þær hækka milli mánaða.

Bónus hækkar mest

Dónalegur Donadoni

Ég vildi gjarnan spyrja Donadoni hvort hann líti svo á að varnarmennirnir þurfi að leggja minna á sig með sínum félagsliðum heldur en sóknarmennirnir? Og ef það er þannig að þeir eru minna þreyttir og geta því skorað fleiri mörk af hverju hefur hann þá ekki fleiri varnarmenn í liðinu og færri sóknarmenn svo liðið skori meira?

Ég held að Donadoni ætti að lýta í eiginn barm, þeir voru hálfgrátandi fyrir leikinn á móti frökkum þar sem þeir lýstu því yfir að allir væri vondir við sig. Þeir grétu yfir því að Svíar og Danir hafi gert samsæri gegn sér, dómararnir væru með samsæri gegn sér og Hollendingar væri í þann mund að hrinda af stað samsæri til að útiloka þá frá frekari keppni.

Það er aldeilis karlmennskan hjá þeim að skæla svona í fjölmiðlum hvað aðrir eru vondir við þessar viðkvæmu sálir. Þrátt fyrir að hafa unnið í gær manni fleiri gegn vonlausum frökkum þá finnst mér þeir ekki sannfærandi. En ef það hætta allir að gera samsæri gegn þessum vesalingum gæti þeir orðið svo heppnir að vinna mótið ef Berlusconi nær að hugga þá fyrir næsta leik. Ég vona að ég þurfi ekki að horfa á grenjuskjóðurnar vinna þetta mót.

Donadoni ver sóknarmenn sína

Má hvað sem er 17.júní?

Hátíðin 17.júní erum við að fagna og minna okkur á sjálfstæði okkar sem þjóðar og rétt borgaranna til að neyta atkvæðis okkar um stjórn landsins. Dagurinn er því ekki hátíð stjórnmálamanna, hagsmunahópa eða verkalýðsfulltrúa heldur þjóðarinnar allrar, smárra sem stórra.

Ekki ætla ég að gera lítið úr rétti fólks til að mótmæla en ég er hugsi yfir því hvort við berum orðið svo litla virðingu fyrir sjálfum okkur að við gleymum því sem við höfum. Svífumst við einskis í hagsmunapoti okkar að við erum tilbúin að skemma gleðina fyrir öðrum á hátíðisdögum. Mun sá tími kannski koma að við sjáum Svarthöfða ganga í kirkju á sjálfum jólunum til þess að gera grín að friðarboðskapnum? Lítum við kannski ekki á 17.júní sem sigur þjóðar og lýðs. Er óþarfi að minnast þess þegar þjóðin sigraði heiminn og við urðum svo gæfuleg að hlotnast lýðræði?

Mér finnst þessi skrípalæti á þessum helga dag þjóðarinnar vanhelga þann áfanga sem forfeður okkar börðust fyrir og náðu en stærstur hluti mannkyns fer á mis við.

Meintum mannréttindabrotum mótmælt

"traustur og sterkur gjaldmiðill"

Rakst á auglýsingu frá ónefndum aðila áðan og rak augun í að hann er í evrum. Ein setningin í auglýsingunni er "Séreign er í evrum sem er traustur og sterkur gjaldmiðill..."

Gott og vel, en fyrir hvern er hann sterkur og traustur? Fyrir íslending sem hefur tekjur og útgjöld sín í íslenskum krónum skiptir engu hversu stöðugur gjaldmiðill evran er. Ef krónan sveiflast upp og niður er evran ekki stöðug gagnvart krónunni, ekki frekar en krónan er stöðug gagnvart evru og hafa nýlegar sveiflur á gjaldeyrismarkaði sýnt fram á það. Ég hef ekki heyrt í neinum sem er með lán í evrum talað um að evran sé stöðug gagnvart krónunni.

Setningin er síðan botnuð með "...en það bendir flest til þess að evran muni styrkjast enn frekar"

Þessi setning er ósiðleg auglýsingabrella og ætti að vera ólögleg með öllu því það getur enginn sagt til um það hvort gjaldmiðlar eigi eftir að styrkjast eða veikjast í framtíðinni. Gengisvísitala krónunnar var nýlega 115 og töluðu greiningardeildir bankanna um að jafnvægisgildið væri um 130. Núna er gengisvísitalan 150 og mikil óvissa um framtíðargengi krónunnar. Meðan sumir segja að gengið eigi eftir að styrkjast segja aðrir að það eigi eftir að veikjast. Ég get ekki séð að flest bendi til að það eigi eftir að veikjast frekar en styrkjast. Óvissan í þessum efnum er mjög mikil um þessar mundir.

Svo kemur þessi klassíska setning í auglýsingunni "Séreign fyrir þá sem vilja hámarksávöxtun fyrir lágmarksáhættu"

Ég er búinn að vinna sem innkaupastjóri og hef því kynnst gengisáhættu. Sparnaður og skuldir í erlendri mynt og tekjur og gjöld í annari er einungis til þess fallið að skapa aukna áhættu, svo kallaða gengisáhættu. Hún virkar þannig að ef þú átt eign upp á 100 og gengið styrkist skyndilega um 30% þá lækkar eignin niður í 70. Það virkar eins ef þú skuldar 100 og gengið veikist um 30% þá hækkar skuldin upp í 130 eins og margir landsmenn eru að ganga í gegnum núna.

Allt tal um að eign og skuld í erlendri mynt sé til áhættuminnkunar er úr lausu lofti gripin ef tekjurnar eru í annari mynt. Þessi auglýsing er ábyrgðarlaus og til þess fallin að blekkja neytendur.

Farinn og kominn og á leiðinni út aftur

Fór til Finnlands á dögunum með skólafélögum mínum sem var sérlega ánægjuleg ferð. Heimsóttum m.a. Tækniháskólann í Helsinki, Nokia og íslenska sendiráðið. Þar bragðaði ég á bestu hreindýrasteik sem ég nokkru sinni fengið og ég er enn að hugsa um þessa ágætu máltíð. Það kom mér á óvart hvað það er ótrúlega þægilegt andrúmsloft í Helsinki og mér fannst viðmót finna mjög gott. Þangað á ég örugglega eftir að koma aftur en næst á dagskrá er að fara í rómantíska ferð með konunni til Parísar síðar í sumar.

Af hverju mætir hann ekki bara í nasistajakkanum sínum

Þið verðið að afsaka að ég blóti á blogginu og frussi á skjáinn hjá mér en mér finnst aumingjaskapurinn og hrokinn í íþróttahreyfingunni hafa náð nýjum hæðum með þessari niðurstöðu. Að leyfa forsetanum að hórast í nasistaleik finnst mér allt of langt gengið. Það er naumast að hann er góð fyrirmynd fyrir yngri kynslóðina að dýrka hóphórur og nasistaleiki þegar það eru rétt um 60 ár síðan gjörvöll evrópa börðust á banaspjótum út af þessum ógeðum. Af hverju mætir hann ekki bara í nasistajakkanum sínum á næstu keppni til að koma hreint fram.

Ef hann ætlar sér að leika nasistaleiki getur hann gert það heima hjá sér þar sem aðrir sjá ekki og ef hann ætlar um leið að vera forseti íþróttahreyfingar þá hefði hann betur sleppt því að gera þetta fyrir framan myndavélarnar.

Þessir vesalingar hafa ekki haft kjark í sér að reka þennan viðbjóð og bleyðu heldur kjósa sér frekar nasistatimpilinn til þess að rugga ekki spillingarbátnum.

Mosley hélt velli