Arsenal heppið

Gott að þeir fá létta andstæðinga í 8 liða úrslitum, þá geta þeir einbeitt sér betur að deildinni á meðan

Arsenal dróst gegn Liverpool

Óttist eigi

Lítil hætta á samdrætti og lendingin hvorki mjúk né hörð. Hann Geir er svo nákvæmur í efnahagsstjórninni að hann getur að sjálfsögðu fullyrt um þetta.

Sennilega er öllu óhætt og ég get notað krítina sem aldrei fyrr fyrst Geir er svona viss. Það er ekkert að óttast.

Forsætisráðherra: Ekki hætta á samdrætti

Ætli samfylkingin flaggi þessu í umræðunni?

Þvílík einstefna í einni umræðu hef ég sjaldan orðið vitni að. Umræðan um evruna hefur nánast bara verið á eina leið, hún er lausn allra okkar vandamála. Það er í raun umhugsunarvert að "ábyrgur" stjórnmálaflokkur skuli hamra á evru og evrópusambandsaðild en fría sig frá ábyrgri umræðu um kosti og galla þess. Hingað til hef ég einungis heyrt þá gjamma hversu dásamlegt það er. Þetta er kannski dæmigert fyrir stjórnálaumræðuna að þegar einhver er búinn að ákveða eitthvað þá heyrir maður bara eina hlið á málinu og hin hliðin er þögguð niður. Hvert tækifæri er notað til að réttlæta skoðun sína og Sigurður Kári var t.a.m. fljótur að notfæra sér nýja sunnlenska bjórinn sínu máli til framdráttar hér.

Það er nú svo komið að ég hef enga ástæðu til að hlusta alvarlega á stjórnmálamenn því ég veit að ég fæ einungis einhliða áróður en ekki hlutlausa umræðu. Meira að segja þáttastjórnendur RÚV taka þátt í þessu rugli eins og Bjarni Harðar bendir á hér. Traust mitt á fjölmiðla og stjórnmálamenn hefur því miður minnkað svo mikið að það er nánast ekki neitt. Þar sem ég hef sjaldnast þann fræðilega bakgrunn til að meta málefnin út frá hlutleysi þá get ég ekki annað en skellt skollaeyrum gagnvart pólitísku gjammi og stillt sjónvarpið á Skjá 1.

Írskir bankar þjóðnýttir?

Hvað er 3+7?

Ef hann hefur verið dæmdur í 7 ára fangelsi árið 2003 hvað var hann þá að keyra bíl árið 2007?

Fangelsi fyrir að taka lögreglumann hálstaki

Eru vændiskonur ekki gerendur?

Það fór illa fyrir ríkisstjóra New York í vændismálinu. Hann getur sjálfum sér um kennt sjálfur siðapostullinn og hann á ekki vorkun mína. Það sem vakti hins vegar athygli mína er skoðun Sóleyjar feminista hér um að vændiskonan sé ekki gerandi í málinu og það sé ekki hneykslanlegt að stunda vændi.

Í mínum huga er vændi sorglegt á allan hátt og skiptir mig engu máli hver er kaupandinn og hver er seljandinn. Það er hvoru tveggja sorglegt og mér dettur ekki í hug að afsaka vændiskonur því þær eru líka gerendur í þessum harmleik ekki bara kaupandinn.

Á eftir tapi hjá United kemur...

...sekt vegna dómaraummæla

Afsökunarbeiðni frá Queiroz

Byrjaður að skrifa

Búinn að vera frekar slappur að blogga undanfarið. Ég sendi konuna til Boston og barnið til ömmu og afa í sveitinni. Síðan þá er ég búinn að mestu búinn að vera að skrifa lokaritgerðina mína (fyrir utan eitt og eitt comment hér og þar á bloggsíðum morgunblaðins og hitting á föstudagskveldi). Loksins eftir heimildaleit og lestur misgóðra fræðigreina sem flestar nýtast mér ekki neitt er ég kominn með eitthvað á blað. En líklega verður ritsafnið mitt eitthvað þunnt fram á vorið vegna anna í skóla og vinnu.

Bakarameistarinn

Konan mín er að heiman í nokkra daga og það var kökubasar í leikskólanum í dag. Minn maður ætlaði nú ekki að klikka á þessu enda búinn að fá góðlátleg skot frá betri helmingnum um að mér tækist ekki að baka sjálfur köku fyrir basarinn.

Eftir að hafa keypt inn og komið syninum í háttinn tók ég til við að baka. En það gekk ekki vel og ég þurfti að henda deginu. Urrr...tók til allt sem þurfti í aðra tilraun og ætlaði að snara upp köku fyrir leikskólann um morguninn og leyfa syninum að njóta þess með mér enda finnst honum fátt skemmtilegra en að baka með mömmu sinni.

En í annað sinn tókst mér að eyðileggja þessa uppskrift við mikil vonbrigði hjálparkokksins. Sennilega er uppskriftin bara eitthvað skrýtin. Ég held ég haldi mig bara við einhver önnur heimilisstörf sem ég er betri í s.s. að skipta um perur.

Hvað með hin 1.200 börnin sem eru á biðlista

Samkvæmt frétt á visir.is sem er hægt að nálgast hér eru um 1.200 börn á biðlista eftir leikskólaplássi. Samkvæmt þessum tveimur fréttum ætlar núverandi meirihluti að fjölga leikskólaplássum um 50 umfram fjölgun barna á næstu þremur árum. Þerra geislabaugur byggist því á að fækka á biðlistanum úr 1.200 börnum í 1.150.

Reykvíkingar hljóta að vera hoppandi ánægðir með þessa stefnu. Skilaboðin eru einfaldlega þau að fólk eigi ekki að eignast fleiri börn nema það vilji sitja heima og fá 13þús krónur í bætur fyrir. Það barn sem kemur undir í dag kemst á leikskólaaldur á líftíma þessarar áætlunar. Reykvíkingar ættu því að hugsa sig tvisvar um áður en þeir fara að hátta.

Af hverju gengur borgarmeirihlutinn ekki bara alla leið og dreifir smokkum og pillum til að fækka barneignum, það væri sennilega ódýrasta leiðin hjá þeim.

Horfur á að færri börn verði í nýjum hverfum

Hvernig eiga þeir að fara að því?

Ég sé það ekki fyrir mér að hinn almenni borgari getið kafað ofaní hversu traustir ákveðnir bankar eru varðandi að geta greitt innlán til baka. Þetta er einungis til þess fallið að ala á fordómum því skv þessari frétt vísar breksa fjármálaeftirlitið ekki í nein viðmið sem er hægt að nota á einfaldan hátt. Ætli það sé vegna þess að þessir erlendu bankar séu kannski bara jafn vel settir og þeir bresku. Þeir hafa allavega ekki farið á hausinn eins og Northern Rock.

Er íslenska bankakerfið farið að hrista þannig upp í bretunum að þessi þolinmóða þjóð gagnvart erlendum fjárfestum er farin að reyna að hrista þá af sér?

Breska fjármálaeftirlitið varar sparifjáreigendur við