Geðshræring

Aðra eins geðshræringu hef ég varla séð í bloggheiminum en þegar það á að breyta orðinun "ráðherra". Það er eins og ráðist hafi verið á landið og veldi okkar íslendinga eða allavega helmingi þeirra sé ógnað.

Ég verð að segja það að ég er ekki þekktur fyrir að vera feminiskur í hugsun og oft látið feminiska einstaklinga heyra nokkur vel valin orð fyrir innlegg þess í umræðuna. En þetta orð "ráðherra" er eitthvað sem mér finnst alveg meiga breyta. Herra er bein vísun í karlmann og kona getur ekki orðið karlmaður nema fara í til þess gerða aðgerð. Starfsheitið "ráðherra" hefur væntanlega verið búið til þegar konur höfðu ekki kosningarétt, hvað þá að þær myndu setjast á þing og verða ráðherrar. Í sjálfu sér er þetta úrelt nafn og skorðar starfið við annað kynið. Ef þessu væri snúið við og nafnið vísaði í kvenkynið s.s. ráðfrú (eða járnfrú) eða eitthvað þvíumlíkt. Þá myndu karlar ekki vera spenntir. Ekki vildu karlkyns "flugfreyjur".

Ég skil því vel ef konur vilja breyta þessu heiti í eitthvað sem vísar ekki í annað hvort kynið.

Vill nýtt starfsheiti fyrir ráðherra

Athugasemdir

[Sigurjón, 24.11.2007 kl. 01:10]

Hvað með ,,ráðherfa"?

Mikið eiga aðrar þjóðir (ensku- og dönskumælandi svo dæmi sé tekið) gott að hafa fyrir löngu lagt af að nota karlkyn og kvenkyn í málinu.  Þeir þurfa ekki að fást við svona spurningar, þar sem orðin eru hvort eð er ekki í neinu ,,kyni"...

[Signý, 25.11.2007 kl. 13:05]

ég veit ekki til þess að hjúkrunarfræðingar, leikskólakennarar, flugþjónar, ræstitæknar og hvað þetta nú allt saman heitir hafi þurft á einhverjum lögum eða stjórnarskrábreytingum að halda til að kalla sig það sem það vill. Afhverju geta þær konur sem eru ráðherrar en vilja láta kalla sig eitthvað annað eins og ráðfrú ekki bara gert það? Það er ekki nokkur maður sem bannar þeim það.

En að eyða tíma sínum og peningum mínum og þínum inná þingi að fá laga/stjórnarskrábreytingu á þessum hlutum er fáránlegt, er í alvörunni ekki um neitt merkilegra að tala þarna?

Veit ekki annað en að margrét pála hafi bara ákveðið það sjálf að hún væri Skólastýra hjallastefnuskólanna sinna ekki skólastjóri, það er enginn sem hefur verið með prik upp í rassgatinu á sér yfir því, enda er það alveg sjálfsagt að fólk kalli sig það sem það finnst passa. ég hef hvorki séð eða heyrt Þorgerði Katrínu, Ingibjörgu Sólrúnu né Jóhönnu Sigurðar  kvarta yfir þessum rosalega karlægu starfsheitum sínum, enda efast ég um að fólk með sæmilega heilbrigða hugsun sé að kynbinda þetta orð eitthvað sérstaklega "ráðherra" allaveg hugsa ég ekki endilega um karlmann þegar það er sagt, kynlaust orð. 

amen!