Börnin koma með storkinum

Æ greyin, kanarnir hafa ekki ennþá uppgötvað að konur eru með brjóst og xxx og karlar eru með xxx. Börnin koma ennþá með storkinum

Sekt vegna brjóstasýningar ógilt

Fæ aldrei að skipta um bleyjur

Já, ég held að það sé kominn tími til að konan mín leyfi mér að skipta um bleyjur, svæfa barnið, gefa því að borða o.s.frv. að ég tali nú ekki um önnur heimilisstörf. Ég er búinn að biðja konuna mína um að fá að skúra, vaska upp og ryksuga síðan sonur okkar fæddist en hún er bara ófáanleg til að láta völdin á heimilinu af hendi

Konan láti karlinn læra af reynslunni

Skilaboð

Í nótt fékk ég 22 skilaboð í tölvupósti. Þetta voru hin ýmsu skilaboð, aðallega einhver tilboð frá ýmsum aðilum. Ég stóðst auðvitað ekki mátið að skoða allt sem ég fékk sent og viti menn.

1. Ég fékk skilaboð um að senda allar bankaupplýsingar í tölvupósti af því að þær hefðu glatast. Ég kannast reyndar ekki við að vera viðskiptavinur hjá Chase Bank svo þetta hlýtur að vera misskilningur.

2. Ég fékk svakalega gott tilboð í hugbúnað fyrir tölvuna mína. Sennilega þarf ég að borga það með kreditkortanúmerinu mínu.

3. Ég fékk nokkur skilaboð þar sem ýmsir aðilar gátu reddað fjárhagnum hjá mér á ótrúlega skömmum tíma þannig að ég þurfi aldrei aftur á ævi minni að hugsa um skuldir.

4. Alltaf gaman að sjá úrvalið af lyfjum sem maður getur keypt á netinu. Núna þarf ég ekki að hafa áhyggjur af útlitinu, kynlífinu eða öldrun framar. Þetta eru svo mikil undralyf að það á eftir að líða yfir konuna mína og ég verð svo hrukkulaus og ungur að ég þarf ekki að hafa áhyggjur af því að eldast.

5. Að sjálfsögðu var mér boðið að kaupa meira klám en ég gat ímyndað mér og aðeins fyrir 10$

6. Síðan er hægt að kaupa hitt og þetta s.s. úr, skartgripi, skó og fleira á brot af því sem hægt er að fá það út úr búð. Reynar er Gucci uppseldur því miður.

7. Spilavíti á netinu, ég get unnið hærri upphæð en ég get ímyndað mér þar sem 200$ verða að hærri upphæð en ég get borið.

8. Gaman að geta horft á kynlíf með Christina Aguilera og Angelinu Jolie.

Þegar ég fer svo að skoða póstinn nánar þá kemur í ljós að ég hafi ómeðvitað sent mér stóran hluta af þessum pósti sjálfur. Sendaninn var bara skráður "me".

Þetta voru mikilvæg og gefandi skilaboð og ég treysti þessum náungum sem sendu mér þau auðvitað fyrir kortanúmerinu mínu fram og til baka.

Eigiði góðan dag

Farinn og kominn og á leiðinni út aftur

Fór til Finnlands á dögunum með skólafélögum mínum sem var sérlega ánægjuleg ferð. Heimsóttum m.a. Tækniháskólann í Helsinki, Nokia og íslenska sendiráðið. Þar bragðaði ég á bestu hreindýrasteik sem ég nokkru sinni fengið og ég er enn að hugsa um þessa ágætu máltíð. Það kom mér á óvart hvað það er ótrúlega þægilegt andrúmsloft í Helsinki og mér fannst viðmót finna mjög gott. Þangað á ég örugglega eftir að koma aftur en næst á dagskrá er að fara í rómantíska ferð með konunni til Parísar síðar í sumar.

Er líf þjóðar einkamál einræðisherra

Hvenær verður það þannig að einræðisherrar geta ekki lengur kúgað, svelt og pyntað þjóð sína án þess að alþjóðasamfélagið grípi í taumana?

Simbabve bannar starfsemi hjálparstofnunar

Þarna var giftingarveislan mín

Synd að þessi fallegi salur skyldi eyðileggjast. Um leið og við konan mín stigum inn í þennan sal fyrir giftinguna var ekki snúið aftur. Þetta var fullkominn staður fyrir veisluna. Sérstaklega fallegur salur úr torfkofa en samt svo snyrtilegur og góður. Það vona ég sannarlega að þessi salur verði endurreistur enda húsið til mikillar prýði.

Ingólfsskáli eyðilagðist

Nútímatækni

Ætli hann hafi notað fætur frá Össuri til að vera svona fljótur

Hljóp 218 km á 24 klukkustundum

Hann fagnaði ekki nýlegri könnun

Það má skilja á þessari yfirlýsingu að hann taki mark á skoðanakönnunum visir.is , mér fannst hann ekki svo hress með visi um daginn.

Borgarstjórinn fagnar niðurstöðu skoðanakönnunar

Besti þjálfarinn þeirra rekinn

Sennilega er Grant besti þjálfari sem Chelsea hefur haft. Hann tók við liði sem á nokkrum vikum lenti 8 stigum á eftir Arsenal og Man Utd en saxaði jafnt og þétt á forskot þeirra og vann bæði þessi lið á endasprettinum. Þar á ofan kom hann liðinu í úrslit meistaradeildarinn þar sem þeir voru hársbreidd frá því að vinna.

Mikil mistök hjá Chelsea en mér finnst Grant ekki hafa fengið það hrós sem hann á skilið með árangri sínum.

Grant rekinn frá Chelsea

Rökstuddur grunur um hvað?

Þannig að ef það er rökstuddur grunur um ætluð afbrot s.s. hryðjuverk þá verður bara að láta það hafa sinn gang og handtaka fólkið eftir þann gjörning. Hvað í ósköpunum ætlar fólkið að gera við fjölda af óútfylltum kreditkortum?

Gæsluvarðhald yfir Rúmenum fellt úr gildi