Sykur fyrir bjartsýnina

Ekki veitir af að gefa bjartsýni íslendinga smá sykur. Rakst á viðtalið við Paul Bennett í Silfrinu síðan 17.maí. Bennett er einn af eigendum IDEO sem vinnur við að finna lausnir. Mæli með að horfa á þetta viðtal.

Langt síðan síðast

Það er svo langt síðan ég bloggaði að ég ákvað að gera það núna...

 

...mér dettur ekkert í hug til að blogga. Eigið góðan dag.

Kalli á MySpace

Frétt dagsins er klárlega á Visir.is þar sem segir frá því að Karl Bretaprins sé nú kominn á MySpace. Þið verðið að fyrirgefa að ég hafi gleymt mér aðeins á netinu yfir þessari frétt.

Áhrifin innan ESB

ESB sinnar halda því fram að með því að ganga í ESB höfum við meiri áhrif en núna. Skoðum það aðeins nánar:

1. Augljóst verður að telja að við höfum mikil áhrif á eigin löggjöf.

2. Sem fullvalda þjóð hefur landið ákveðin völd meðal þjóða óháð fólksfjölda. Landfræðilega ráðum við yfir auðlindum og efnahag þess landsvæðis.

3. Fólksfjöldi á Íslandi er í kringum 320þús meðan fólksfjöldi ESB er í kringum 500milljónir. Ef áhrif Íslendinga innan ESB verður í samræmi við fólksfjölda mun vægi okkar vera 0,06%.

Við hefðum ekki neitunarvald yfir hinum 99,94% sem semja löggjöfina fyrir okkur.

Málfrelsi ESB

Þarna sýnir ESB sitt rétta andlit. Það að standa á sinni skoðun innan ESB er ógn við málfrelsið. Það er líklegt að rödd 300þús Íslendingar heyrist meðan 71 milljóna þjóð getur ekki staðið á sínu.

Afstaða Tyrkja skaðar umsókn þeirra um ESB-aðild

Árinni kennir illur ræðari

Ef þú keyrir of hratt og klessir bílinn hvort er það því um að kenna að bíllinn kemst of hratt eða að þú keyrðir hann ógætilega? Þetta er bara barnalegt.

Aðild að EES réð úrslitum

Já hlutleysi

Ég skil ekki alveg þessa gagnrýni sem Framsókn fær í þessu. Við höfum haft nóg af klappstýrum í íslenskri pólitík og stjórnsýslu og fyrir mitt leyti er komið nóg af slíku. Ef þetta er viðleitni Framsóknar til að negla aðgerðirnar betur niður og gera þær líklegri til árangurs er til mikils unnið.

Framsókn er ekki bara að verja með hlutleysi því þeir verða að kjósa með frumvörpum ef stjórnarandstaðan kýs á móti þeim. Þetta er því ekki hlutleysi heldur eins konar já - hlutleysi og það gerir það ekki nokkur maður með viti að samþykkja fyrirfram eitthvað ef það er ekki ljóst hvað það er sem á að samþykkja.

Sigurhátíð Radda fólksins

Ég skil ekki þessa sigurhátíð hjá Röddum fólksins. Það er langt frá því að stjórnkerfi landsins sé komið í eðlilegt og ásættanlegt form. Það að ný ríkisstjórn sé í burðarliðnum eða hvort hún er hægri eða vinstri kemur því eiginlega ekki við að öðru leyti að sú síðasta virtist ekki vera tilbúin að gera nauðsynlegar breytingar til að axla ábyrgð og tryggja að hér verði skilvirkari og heiðarlegri stjórnsýsla.

Það á alveg eftir að koma í ljós hvað nýja ríkisstjórnin á eftir að gera, ég reikna ekki með neinum riddara á hvítum hesti en vona að það þokist eitthvað í áttina að betra þjóðfélagi með nýju fólki þó að sumir séu nýjir gamlir.

Framsókn ver nýja stjórn

Auðvelt að bæta nytina í kúnum

Vísindin hafa komist að niðurstöðu. Það þarf ekki erfðabreyttar kýr af erlendum kynjum til að bæta nytina. Það er nóg að skýra þær réttum nöfnum og þá mjólka þær meira. Það er eitthvað sem segir mér að rannsókninni sé ábótavant eða við fáum bara að vita hálfan sannleikann í þessu.

Hvar varst þú?

Flestir þjóðverjar sem voru komnir til vits muna enn þann dag hvar þeir voru staddir þegar Berlínarmúrinn féll. Álíka atburðir hafa ekki gerst í Þýskri sögu, það var dagur fólksins, lýðræðis og frelsis. Á Íslandi eru miklir atburðir í aðsigi. Aldrei í sögu landsins hafa orðið álíka mótmæli og rambar landið orðið á barmi uppreisnar. Upp úr rústum landsins mun rísa Nýja Ísland.

Gleymdist að taka nokkrar mikilvægar ákvarðanir

Sú ríkisstjórn sem nú situr er búin að fá sitt tækifæri til að vinna að uppbyggingunni eftir efnahagshrunið í haust. Ég efast ekki um að þau hafa reynt sitt besta en þvi miður er það ekki nóg. Við fáum daglega fréttir af nýjum hneykslismálum og myndin verður skýrari. Blóðhundum var leyft að éta innviði landsins innan frá meðan stjórnvöld hugsuðu um eigin hégóma. Ég hef ekki heyrt af mörgum yfirheyrslum yfir þessum hundum en handtökuskipanir á venjulegt fólk sem getur ekki borgað af íbúðinni sinni er sjálfsagt mál. Hvað svo sem stjórnvöld eru búin að vera að gera þá ganga glæpamennirnir lausir, stjórnmálamennirnir hafa ekki gengist við neinni ábyrgð og eftirlitsaðilarnir halda áfram eins og ekkert hafi í skorist. Það virðist hafa gleymst að taka nokkrar mikilvægar ákvarðanir.

Hvað ætlarðu að segja barnabörnunum

Það er auðvelt að týna sér í smáatriðum líðandi stundar, það er eðlilegt. En þegar frá líður munu barnabörnin spyrja hvað þú gerðir til að viðhalda lýðræði og réttarríki á Íslandi. Ok fínt að mótmæla en ég var ekki sammála aðferðinni og sat því frekar upp í sófa og horfði á  Leiðarljós. Já fínt hjá ykkur afi og amma, ég er rosalega stoltur af því að þið stóðuð með lýðræðinu upp í sófa. Ég er ekki viss um að það verði tekin sem gild afsökun þá að hafa ekki tekið þátt af því að það brotnuðu rúður. Það er meira ofbeldi og skemmdir um hverja einustu helgi niður í bæ en eru búin að vera í þessum “skríls- og ofbeldislátum” sem allir hneykslast á.

Hvernig verður þín minnst

Í sögulegu samhengi verður atburða þessara daga minnst sem tímans þegar íslendingar hristu af sér kúgun og áníðslu glæpamanna og spillingarafla. Dagurinn sem alþýðan tók völdin í sínar hendur og hóf að byggja landið úr rústum efnahagslegra hryðjuverka. Þjóðin mun mun minnast daganna sem við nú lifum sem einna merkustu tímum sögunnar. Þá verður ekki spurt að því hvernig fólkið sem mótmælti var klætt eða hvort fundarstjórum félli fólki í geð. Það verður ekki spurt um skrílslæti, jólatré, hægri- eða vinstri eða einstaka rúðubrot. Hef ekki heyrt slík smáatriði um neina byltingu. Nei, það verður talað um fólkið sem tók virkan þátt í þeirri byltingu og endurreisn landsins sem nú er að eiga sér stað. Fólkið sem fór niður á Austurvöll og lét heyra í sér, fólkið sem sýndi samstöðu, fólkið sem sagði hingað og ekki lengra.  Það eru engar afsakanir teknar gildar, ég hvet alla til að láta heyra í sér og heimta lýðræði fyrir þjóðina.

Táragasi beitt á Austurvelli