Eru vændiskonur ekki gerendur?

Það fór illa fyrir ríkisstjóra New York í vændismálinu. Hann getur sjálfum sér um kennt sjálfur siðapostullinn og hann á ekki vorkun mína. Það sem vakti hins vegar athygli mína er skoðun Sóleyjar feminista hér um að vændiskonan sé ekki gerandi í málinu og það sé ekki hneykslanlegt að stunda vændi.

Í mínum huga er vændi sorglegt á allan hátt og skiptir mig engu máli hver er kaupandinn og hver er seljandinn. Það er hvoru tveggja sorglegt og mér dettur ekki í hug að afsaka vændiskonur því þær eru líka gerendur í þessum harmleik ekki bara kaupandinn.

Athugasemdir

[Anna Sigga, 13.3.2008 kl. 12:49]

orðar Sóley þetta ekki bara svona vegna þess að í raun fjallar fréttin um ríkisstjórann?? ég veit það samt ekkert, "segji" bara svona

Mér finnst vændi alltaf sorglegt hvort tveggja hlutur kaupanda og seljanda. Það getur svo sem vel verið að e-m slejanda þyki sitt hlutskipti ekki miður en ég dreg það þó í efa að það sé efst á óskalista viðkomandi. Mér þykir það að minnst kosti mjög óeðlilegt svo ekki sé talað um ólíklegt.

[Steinn Hafliðason, 13.3.2008 kl. 14:14]

Það eru nokkrar fréttir um þetta mál enda vakið nokkra athygli. Fréttin sem Sóley vísar í er um vændiskonuna sjálfa og hennar mál.