Verðgildi konunnar eykst

Þessi fáfróði bankamaður hefur greinilega ekki miklar reynslu. Konur eru eins og wiský, þær verða fallegri og fágaðri með árunum. Og eins og einhver benti á sem bloggaði um sömu frétt þá mun hún verða móðir barna hans og þau munu sjá um hann í ellinni og barnabörnin verða honum eins og kertaljós á fögru jólakveldi.

Það sem bankamaðurinn áttar sig heldur ekki á er að hann er sjálfur afar yfirborðskenndur. Ef það skiptir hann meira máli að vera með tískudrottningu upp á arminn til sýnis fyrir vinina eins og um væri að ræða gullúr eða armani jakkaföt þá missir hann af uppsprettu hamingju sem felast í hamingjusömum samskiptum við sína nánustu. Sennilega stýrist hann af hroka eða minnimáttarkennd því sá sem þarf að sýnast hefur eitthvað að fela.

Bankamaðurinn er því ekki í eins góðri samningsstöðu eins og hann vill vera að láta því konan getur gefið honum eitthvað sem hann ekki hefur. Líklegt þykir mér þó á svari hans að honum þykir mikilvægara fögur kona heldur en góð kona og er því að missa af kjarna málsins. Sennilega eru þau bæði að missa af einhverju því þau eru að verðleggja sambandið í peningum en gleyma hamingjunni sem verður ekki keypt.

Ég myndi þó hafna þessari konu en á öðrum forsendum og kannski gerir bankamaðurinn það líka og hefur kannski ekki gefið upp hina raunverulegu ástæðu. Ég myndi aldrei selja sál mína konu sem vantar aðeins peningana mína. Mér þætti ekki góð staða að þurfa sífellt að nota veskið sem gulrót fyrir framan asnann til þess eins að eiga mér fallega konu.

En það er kannski auðvelt fyrir mig að tala svona. Ég þarf ekki pening til að komast í samband við fallegan kvenmann því ég er nú þegar hamingjsamlega giftur fallegri og góðri konu.

"Hvar er ríku og ókvæntu mennina að finna?"

Athugasemdir

[Fransman (IP-tala skráð) 11.10.2007 kl. 08:59]

Bankamaðurinn er alls ekki yfirborðskenndur, hann veit alveg að konan er bara á eftir peningum og er að bjóða fegurð sína í skiptum fyrir þá.

If my money were to go away, so would you, so when your beauty fades I need an out. It's  as simple as that. So a deal that makes sense is dating, not marriage.

[Annetta (IP-tala skráð) 11.10.2007 kl. 13:03]

Sammála, nákvæmlega það sem ég var að hugsa.

Og það fer í taugarnar á mér að hlestir eru eftir að rakka konuna niður og setja karlinn á stall

[Steinn Hafliðason, 11.10.2007 kl. 13:26]

Fransmann, hann er ekki aðeins að hafna henni peninganna vegna. Hann er að hafna henni á forsendunum að hún haldi ekki fegurð sinni lengur en til þrítugs.

Hann er í raun að verðleggja fegurð konunnar í verðgildi peninga og þar sem fegurð kvenna (að hans mati) dvínar upp úr þrítugu sé þetta ekki góður díll.

[Dabbi (IP-tala skráð) 11.10.2007 kl. 13:43]

Bankamaðurinn(?) er bara að tala sama tungumál og hún...fyrst hún endilega vildi það. Og það er bara frekar fyndið og vel skrifað svar ef þú spyrð mig.

Hver hefur áhuga á að giftast svona konu, hvað þá eignast börn með henni? Mér er alveg sama þó hún sé falleg ef hún hefur bara áhuga á peningunum mínum þá get ég líka alveg eins bara haft áhuga á að r*ða henni...fer ekkert að eignast börn með þessari konu.
Hugsa að maðurinn sem skrifaði bréfið til hennar hafi verið að hugsa á þessum nótum en viljað skrifað hæðnislegt bréf til baka.

Gallinn er að nokkrir hérna á mbl.is eru ekki að fatta húmorinn og/eða eruð að reyna vinna ykkur stig inni hjá kvenkyninu (eins og að bera saman konur og vískí)...sem er frekar sorglegt.

[Steinn Hafliðason, 11.10.2007 kl. 14:31]

Ég skal nú viðurkenna það Dabbi að það eru mörg sjónahorn í þessu og maður verður vissulega að giska á forsendur bæði auglýsingarinnar frá konunni og svarsins frá bankamanninum.

Mundu það að maður á aldrei að láta góða sögu gjalda sannleikans.

Ég stend þó fast við það að konur batna með árunum. Ég verð að viðurkenna að ég hef ekki mikla reynslu af wiský en ég hef það eftir óvísindalegum en áræðanlegum heimildum að það batni með aldrinum.