Ég er að þrífa

Ég ætlaði að fá mér kók í dós sem mér áskotnaðist með kvöldmatnum. Það vildi þó ekki betur til en svo að um leið og ég þrísti á lokið sprautaðist kókið framan í mig og í hálsmálið á mér, mér fataðist flugið og var í mestu erfiðleikum með að hemja dósina þar sem kókið spýttist í allar áttir meðan sonur minn lá í hláturskasti á gólfinu yfir óförum mínum. Á endanum var hálf dósin búinn að sprautast á mig og út um allt eldhús  Jæja, ég fæ þó kannski nokkur prik frá konunni fyrir að þrífa eldhúsið óvænt meðan hún er að heiman

Athugasemdir

[Guðrún Þóra Hjaltadóttir, 16.9.2008 kl. 21:31]

Þér var nær að drekka þennan ófögnuð.

[Anna Sigga, 17.9.2008 kl. 09:59]

Pollysteinn

[Steinn Hafliðason, 18.9.2008 kl. 09:30]

Það er rétt hjá þér Guðrún, þetta var eiginlega gott á mig. Ég get ekki sagt að þetta sé fyrirmynd í mataræði.

Anna, ég gerði mitt besta en Briet var fljót að komast að því að eitthvað skrýtið hafði skeð þar sem þetta fór út um ALLT eldhús við erum enn að finna fleti með kókslettum, núna síðast í gærkveldi.

[Egill (IP-tala skráð) 18.9.2008 kl. 23:36]

Já Steinn það er ekki uppá þig logið, það var nú samt eins gott að þetta var bara kók sem þú sullaðir þarna niður en ekki bjór.