Tilboðslán

Sá auglýsingu um tilboðslán á mbl.is fyrir stundu. Hvað ætli felist í tilboðsláni hugsaði ég með mér um leið og ég smellti á auglýsinguna.

17,2%

Ekki þykir mér það nú merkilegir vextir og ekki gott tilboð. Vextir eru aukagjald sem fólk borgar fyrir það sem það kaupir. Það er alveg sama hvað það er, bíll, hús, sjónvarp, tölva, fellihýsi, sumarbúastaður eða hvað það er. Ef það er tekið að láni eða á raðgreiðslu er verið að borga meira sem nemur vöxtunum.

Ef þú setur jólagjafirnar, afmælisgjöfina, nýja sjónvarpið eða tölvuna á raðgreiðslu ertu líklega að borga 18,25% vexti auk 2% í lántökugjald skv heimasíðu Valitor. Þar fyrir utan koma færslugjöld á hvern mánuð. Algengt er að kostnaðurinn sé vel yfir 20% og það er meira að segja kostnaður þó að það séu vaxtalausar raðgreiðslur. Þetta þýðir einfaldlega að þú ert að borga 20% meira fyrir vöruna en þú þarft bara vegna þess að það má ekki bíða.

Athugasemdir

[Steinn Hafliðason, 17.2.2008 kl. 21:38]

Og svo ég kommenti fyrstur á eigin færslu þá stendur auðvitað ekki á hugmyndum frá lánendum hvað þú getur keypt og sett á yfirdráttarlán. Verð að viðurkenna að það voru miklu fleiri atriði þar en mér datt sjálfum í hug.

[Guðjón Guðvarðarson, 17.2.2008 kl. 23:59]

Já.... og sjáðu svo vaxtamuninn,  ef maður ætti nú krónu til að nota seinna ef harðnar í ári,  hvað fær maður fyrir að "lána" hana bönkunum????

Einhver allt önnur tala en þessi 20%.