Fyrirséð úrslit

Ég uppskar ekki mikinn fögnuð í hádeginu þegar ég spáði íslendingum lélegum úrslitum í þessari keppni. Óheppnin er einfaldlega búin að elta þá allt undirbúningstímabilið. Sumir urðu veikir, aðrir meiddust og það einhvern veginn gekk ekki neitt. Hálft liðið er tæpt vegna meiðsla. Síðan fara þeir út með digurbarkalegar yfirlýsingar að þetta sé besta liðið frá upphafi og annað í þeim dúr.

Mín mestu ósigrar á vellinum hafa einmitt verið eftir að hálft liðið hefur verið með álíka yfirlýsingar og íslenska liðið var með áður en þeir fóru til Noregs.

Væntingarnar sem þeir sjálfir voru búnir að keyra upp urðu þeim klárlega að falli í þessum leik því það voru ekki svíarnir sem unni þennan leik, íslendingarnir töpuðu honum.

Svíar sigruðu

Athugasemdir

[Kristján Eldjárn Þorgeirsson, 18.1.2008 kl. 00:04]

Sammála þér að mörgu leyti Steinn.  Þetta er samt besta landslið sem við höfum átt og það segi ég út frá því að þetta eru allt atvinnumenn í handbolta, hjá sterkum liðum í sterkum deildum í Þýskalandi, Spáni og Danmörku.  Allt eru þetta leikmenn sem eru byrjunarliðsmenn í sínum liðum og eru að spila mjög mikið.  EM er sterkt mót og það eru bara bestu landsliðin  sem komast á þetta mót.  Ísland getur unnið öll þessi lið þarna með yfirburðum og það getur líka tapað öllum leikjunum á þessu móti.  Þannig er það með með öll þessi lið sem eru að spila þarna.  Tek undir það með þér að það voru ekki svíarnir sem unnu þennan leik heldur voru það Íslendingar sem töpuðu honum á lélegum sóknarleik, fyrst og fremst.

[Steinn Hafliðason, 18.1.2008 kl. 00:07]

Vona bara að þeir sýni sitt rétta andlit og skilji svíana eftir í þessum riðli