Meiriháttar furðulegt

Þetta mál er meiriháttar furðulegt og það er hver mótsögnin á fætur annari í þessu máli. Það að vinkona þeirra man allt í einu eftir því núna að það var maður sem hélt á barni klætt líkt og týnda stúlkan. Og það sem meira var að maðurinn kom frá íbúð þeirra.

Ef fréttirnar sem við fáum af þessu máli eru áræðanlegar, sem ég efast reyndar um, þá myndi ég spyrja þetta fólk hvort þau séu fávitar. Halló, maður með sofandi barn á öxl sér sem er klætt eins og stúlkan sem hvarf og setur það ekki í samhengi við það að það var barn sem hvarf úr umræddri íbúð.

Ég verð að segja það að þessi tímasetning og yfirlýsing er afar undarleg svo ekki verði meira sagt.

Mynd birt af hugsanlegum ræningja Madeleine

Athugasemdir

[herdis (IP-tala skráð) 26.10.2007 kl. 23:09]

bara að benda á að þetta er ekkert ný yfirlýsing , þetta kom fram straks á fyrsta degi eftir að barnið hvarf.

[Steinn Hafliðason, 27.10.2007 kl. 00:33]

Gott að þú bentir á þetta. Ég las fréttina aftur vandlega eftir commentið frá þér og sá að það kom hvergi fram að þetta væri nýtt í málinu. Myndin virðist hins vegar vera ný.

Ég hallast að því að fréttirnar sem við fáum af þessu máli séu sumar mjög skrýtnar eins og þegar sagt var að foreldrarnir væru fórnarlömb galdraofsókna.

Líklega er þó um meiriháttar klúður að ræða frá lögreglunni en rannsóknin virðist vera markvissari núna eftir að nýr maður stjórnar henni sem m.a. kemur fram í þessari myndbirtingu.

[Doddi - Þorsteinn G. Jónsson (IP-tala skráð) 27.10.2007 kl. 22:03]

Þó svo að Herdís bendi á að yfirlýsingin hafi komið strax á fyrsta degi ... þá hlýtur maður að spyrja sig: Af hverju finnst fullorðinni manneskju eins og Jane Tanner það ekki undarlegt að sjá "dubious" mann berandi stúlku í fanginu (sofandi) í náttfötunum... af hverju er ekki strax farið að tala um það þegar hún sest til borðs aftur með hinum félögunum?

Fréttirnar geta margar verið skrýtnar jú, en viðbrögð foreldranna og Tapas-9 hópsins hafa verið það líka. "Fórnarlömb galdraofsókna" var örugglega hreinlega vitlaus þýðing (enn og aftur) ... witch hunt er notað oft um miklar eða kerfisbundnar árásir á einstaklinga ... þetta hefur ekkert með galdra að gera en þýðandinn gæti sennilega hafa verið að flýta sér smá?