Þeir sem eru fallegri en aðrir...

...verða stundum fyrir aðkasti frá hinum

Bannað að stríða rauðhærðum

Helgarsteikin

Ég á ekki að vera að blogga og ég á heldur ekki að vera vakandi. Ég er samt vakandi og samt að blogga. Ég er búinn að gera ýmislegt í dag sem ég hefði ekki átt að gera. Eitt af því var að fara og keppa eins og einn knattspyrnuleik með félögum mínum.

Eftir að vera búinn að hanga inni alla síðustu viku og skrifa þessa annars ágætu lokaritgerð mína þá er ég að ærast úr hreyfingaleysi. Annar endinn á mér er farinn að gróa við stólinn og fingurnir við lyklaborðið. Hausinn á mér er eins og nýsoðinn grjónagrautur, rjúkandi með rúsínum og kanil. Mér líður eins og mosóttum steini sem hefur legið á sama stað frá landnámsöld. Ég er kominn með legusár og hausverk og það ískrar í mér þegar ég reyni að hugsa eða hreyfa mig.

Ég kom eins og frummaður á leikinn. Kominn inn í nýjan heim og ekki séð útið síðan ég bara man ekki hvenær. Órakaður og óklipptur með ofbirtu í augunum staulaðist ég stirðbusalegur út á völlinn. Dómarinn fylgdist með hverju fótspori efins eins og hann væri að hugsa hvort ég hefði ekki villst af einhverju hæli. En um leið og flautan gall þá rankaði ég við mér, frummaðurinn tók öll völd og ég hljóp á eftir tuðrunni eins og ég hefði fæðst til þess. Ausandi rigningin vökvaði skrælnaða húðina og fljótlega hætti ég að heyra brakið í líkamanum sem allur var að koma til.

Þvílík unaðstilfinning að vera úti, finna regnið hreinsa loftið, heyra fuglana syngja og finna grasilminn sem lagði yfir. Mér líður eins og vori. Því miður var þetta aðeins stutt gaman því ég er sestur aftur við tölvuna og tekinn við að skrifa en regnið og loftið er búið að hreinsa hugann og mosinn er horfinn. Ég get heyrt mig hugsa og ég er orðinn skegglaus og núna ganga skrifin betur fyrir sig.

Næturgestur

Ég er enn að skrifa þó tíminn sé nú ekki mjög kristilegur. Allt í einu varð ég var við að ég hafði fengið félagsskap. Well, flugunni var ekki boðið

Ekki merkileg yfirlýsing

Arsenal var mun nær meistaratitlinum í sínum heimalandi en Milan í sínu og þar fyrir utan átti Milan ekki möguleika í Arsenal í meistaradeildinni. Ég tel því frekar með því að hann sé fúll yfir því að Wenger vildi ekki gera samning við hann á síðasta ári og ég lái honum það ekki. En það var afar klaufalegt fyrir Arsenal að missa þennan frábæra leikmann.

Flamini: Fór af því við urðum ekki meistarar

Þið verðið að sýna mér þolinmæði

ég er að skrifa lokaritgerðina mína og verð því lítið við næstu daga

Hlutverk fjölmiðla

Ég ætla að linka á þessa frábæru umfjöllun um fjölmiðla og raunveruleikann. http://www.vefritid.is/index.php/greinasafn/gatid-a-tjaldinu/

Af syni mínum

Vaknaði í nótt við það að sonur minn var lagstur þar  upp í. Ekki veit ég hvenær hann kom upp í en einhvern tíman um nóttina hefur hann líklega séð að ég væri í fasta svefni og laumast upp í rúm til mín.

Þegar við vöknuðum svo um morgunin var það fyrsta sem hann sagði (án þess að ég væri að biðja um útskýringar á þessu brölti) að hann hefði farið að sofa í rúminu sínu og vaknað hér. Hann hefði bara færst í nótt (og gaf frá sér furðuleg hljóð) og einhver galdrað hann yfir í rúmið mitt.

Já þannig er það, hann vildi bara hafa það á hreinu að hann bæri ekki neina ábyrgð á því að hafa verið þarna.

Hef nú ekki miklar áhyggjur

Í sögulegu samhengi hefur hitastig jarðar sveiflast upp og niður. Ég reikna með því að náttúran geri ekki greinarmun á sveiflum í hitastigi af völdum manna og náttúrulegum völdum. Það er hvor tveggja hitabreytingar.

Skordýr í hitabeltislöndum gætu dáið út

Heilsuátak nr 503

Þá er ég byrjaður á heilsuátaki nr 503. Ég er sem sagt búinn með 502 heilsuátök sem hafa tekist misvel.

Átakið byrjaði á miðnætti 5.maí eftir að hafa gúffað í mig ís af verstu gerð. Fínt að fita sig aðeins áður en maður byrjar, svoleiðis byrjar maður yfirleitt heilsuátak. Maður ákveður að byrja eftir 1-7 daga og þangað til innbyrðir maður eins miklu að óhollustu og maður getur vegna þess að maður ætlar að vera svo duglegur í átakinu. Í gær eyddi ég 600kr til að þjónusta agaleysis- og sykurþörf minni sem varð þess valdandi að ég var í sælu í innan við 5 mínútur sat svo á klóstinu í hálftíma á og fitnaði svo af öllu saman. Skynsamleg fjárfesting það.

Átakið entist þó ekki lengi. Dagurinn byrjaði á venjulegan máta, ég gleymdi að kaupa mjólk og borðaði múslí-ið hálfþurrt. 2 flöskur kók zero fyrir hádegið til að svala gosþörfinni og kjúklingasalat á American Style í hádeginu. Eftir það fór að halla undan fæti. Salat er bara ekki nóg fyrir mig. Þegar ég kom í vinnuna laumaðist ég í varakexið mitt sem ég geymi til að viðhalda mér ef ég þarf að vinna frameftir. Svo átti Eddi vinnufélagi minn afmæli sem þýddi 2 diskar af dýrindis sælgætistertu. Vá hvað það var gott en hún átti eftir að koma meira við sögu í dag.

Ég fór svo í Bootcamp seinnipartinn og var látinn hlaupa 4,6 km eða 4.600metra sem gerir að lágmarki 4.600 skref. Nammitertan fór öll af stað í maganum mínum þegar ég fór að hlaupa og hló að mér í hverju einasta skrefi. Samtals hefur kakan því hlegið 4.600 sinnum að mér á meðan ég var að hlaupa en ég man ekki eftir að hafa orðið annað eins aðhlátursefni. Í kjölfarið tóku við pyntingaræfingar þjálfarans og var ég ekki fagur ásjónum eftir þessar raunir. Það tók kökuna hálftíma að ákveða hvort hún ætlaði að koma eða vera eftir æfinguna en á endanum ákvað hún að vera. Úff...þetta var eiginlega bara gott á mig en það er á hreinu að ég mun í mesta lagi borða eitt epli fyrir næstu æfingu.

Þrátt fyrir að hafa misstigið mig í mataræðinu í dag er ekkert annað en að halda áfram og enda daginn með trompi og halda þetta út næsta dag og svo einn dag í einu þangað til það er orðið að lífstíl.

Fá sent upp á herbergi

Er þetta herbergisþjónustan? Geturðu sent mér einn hamborgara með frönskum og sósu upp á herbergi, ég var nefnilega að koma heim af djamminu og er ógeðslega svangur. Já og eitthvað að drekka, bara bjór eða eitthvað...já og sendu líka 3 klæðskiptinga upp með matnum það gekk eitthvað illa á djamminu hjá mér.

Ronaldo: „Skammast mín hroðalega“