Farinn og kominn og á leiðinni út aftur

Fór til Finnlands á dögunum með skólafélögum mínum sem var sérlega ánægjuleg ferð. Heimsóttum m.a. Tækniháskólann í Helsinki, Nokia og íslenska sendiráðið. Þar bragðaði ég á bestu hreindýrasteik sem ég nokkru sinni fengið og ég er enn að hugsa um þessa ágætu máltíð. Það kom mér á óvart hvað það er ótrúlega þægilegt andrúmsloft í Helsinki og mér fannst viðmót finna mjög gott. Þangað á ég örugglega eftir að koma aftur en næst á dagskrá er að fara í rómantíska ferð með konunni til Parísar síðar í sumar.

Athugasemdir

[Gestur Guðjónsson, 16.6.2008 kl. 15:52]

Óttalegt flandur er þetta á þér drengur. Missir þú ekki neina ferð af bæ?

[Steinn Hafliðason, 16.6.2008 kl. 16:08]

Ekki veit ég hvað hljóp í mig ég tolli ekki heima hjá mér, sennilega hefur alheimsborgaraauglýsingin haft þessi áhrif.