Besti þjálfarinn þeirra rekinn

Sennilega er Grant besti þjálfari sem Chelsea hefur haft. Hann tók við liði sem á nokkrum vikum lenti 8 stigum á eftir Arsenal og Man Utd en saxaði jafnt og þétt á forskot þeirra og vann bæði þessi lið á endasprettinum. Þar á ofan kom hann liðinu í úrslit meistaradeildarinn þar sem þeir voru hársbreidd frá því að vinna.

Mikil mistök hjá Chelsea en mér finnst Grant ekki hafa fengið það hrós sem hann á skilið með árangri sínum.

Grant rekinn frá Chelsea

Athugasemdir

[Elís (IP-tala skráð) 24.5.2008 kl. 22:20]

   Fyndið! Avram Grant er sko langt frá því að hafa gert eitthvað framúrskarandi. Það að Chelsea hafi lent í öðru sæti og komist í úrslit evrópukeppninnar gerir Grant ekki að besta þjálfara chelsea frá upphafi. Spáðu í leiðina sem Chelsea fór í Meistaradeildinni. Þeir fóru mjög auðvelda leið. lentu í þremur erfiðum leikjum, tveir á móti liverpool og einn á móti man utd... allt og sumt! Hvaða þjálfari sem er hefði komið þeim þangað. Leikmenn liðsins tala um flótta frá chelsea og það er bara útaf því að þeir eru ekki ánægðir með þjálfarann. Ef einhverjum finnst Chelsea hafa staðið sig vel á þessu tímabili er það vegna þess að sigureðlið sem Mourinho stappaði í leikmennina er bara ennþá til staðar. Grant á langt í land með að vera topp knattspyrnustjóri.

[Rafael (IP-tala skráð) 24.5.2008 kl. 22:35]

Það er nú eiginlega ekkert hægt að dæma hann sem þjálfara eftir aðeins eitt tímabil. Vissulega var árangurinn "góður", en svo má ekki gleyma því að þegar hann tekur við af Jose, þá fær hann í hendurnar eitt best mannaða lið Evrópu. Ef hann hefði fengið eitt tímabil í viðbót með Chelsea þá hefði eflaust verið hægt að sjá fingraför hans á liðinu, og jafnframt hægt að dæma hann sem þjálfara að tímabili loknu. En eftir þetta tímabil þá er aðeins hægt að segja að hann hafi tekið við góðu búi og skilað því í ágætu ástandi, en hvort að hann sé góður þjálfari eður ei, það er ekki gott að segja

[Steinn Hafliðason, 24.5.2008 kl. 23:23]

Málið er að Chelsea var orðið langt á eftir Man utd og Arsenal þegar Grant tók við því og Mourinho var búinn að missa tökin á mannskapnum. Smátt og smátt tjaslaði Grant því saman aftur og margir talað um að þeir hafi læðst aftan að þeim í lokin, eitthvað sem flestum þótti óhugsandi nokkrum vikum fyrr.

Varðandi meistaradeildina þá er ekkert gefið í þeim efnum og þar eru mörg frábærlega mönnuð lið sem detta út á auðveldu leiðinni. Það eru aðeins tvö lið sem komast í úrslitaleikinn og ég held að ef þetta væri svona auðvelt þá væru mörg liðanna búin að vinna miklu oftar. Það munaði einungis stangarbreiddinni (tvisvar) að Chelsea yrði evrópumeistari.