Eru þeir orðnir galnir

Skattamál og hvíldartími bílstjóra er innanríkismál okkar íslendinga. Þessar reglur ógna engum og umdeilt hvort mótmæli bílstjóra eigi rétt á sér yfir höfuð. Ekki ætla ég að taka afstöðu til þess hér en af einhverjum ástæðum þá hafa bílstjórar ákveðið að ögra íslenskum stjórnvöldum meðan þeir eru að ræða málefni eins lengsta stríðs heimsins við forseta kúgaðrar þjóðar og hafa í heimsókn mann sem hefur gert kraftaverk í viðleytni til friðar.

Mér finnst þessi ögrun í hæsta lagi ósmekklegt og tilgangurinn helgar ekki meðalið þegar slíkir gestir sem eiga jafn mikið undir aðgerðum heimsins.

Ég vildi gjarnan að bensínið myndi lækka en bílstjórarnir hafa gengið allt of langt í þetta skiptið, bensín álagning og hvíldartími bílstjóra á Íslandi er innanríkismál en ekki málefni Palestínumanna.

Bílstjórar fóru með friði

Athugasemdir

[Magnús (IP-tala skráð) 22.4.2008 kl. 13:41]

Ég gæti ekki verið meira sammála þér. Svo tala þeir um að lögreglan hafi hagað sér eins og smákrakkar!

Ég held að þessir trukkabílstjórar ættu að líta sér nær. Þeir ættu líka að vara sig á því að of mikið af heimskulegum aðgerðum verður fljótt að þess breyta almenningsálitinu þeim í óhag.

[Kristinn Þór Sigurjónsson, 22.4.2008 kl. 13:42]

Bensínverð er ekki innanríkismál, það er heimsmál. En það kemur Abbas eða Ólafi ekkert við.

[Steinn Hafliðason, 22.4.2008 kl. 14:13]

Orkuverð er heimsmál en ég hef ekki skilið á bílstjórunum að þeir séu að mótmæla háu alheimsverði heldur álagningu olíufélaga á Íslandi og skattlagningu Íslenska ríkisins ásamt fleiri málum er lúta að lögum um ýmis mál atvinnubílstjóra.

[Krummi, 22.4.2008 kl. 15:43]

Olíufélögin eiga þetta bensín og meiga bara leggja eins og þau vilja á það ef þau vilja.

[Steinn Hafliðason, 22.4.2008 kl. 17:17]

Ríkið tekur gjald af eldsneyti sem er föst krónutala. Þeir komu á sínum tíma til móts við verðhækkanir með því að breyta þessu gjaldi úr % yfir í fasta krónutölu. Ef ríkið hefði ekki breytt þessu þá væri bensínlíterinn líklega um 200kr í dag þannig að það er ekki hægt að segja að ríkið hafi ekki gert neitt. Á eldsneyti leggst líka virðisaukaskattur en atvinnubílstjórar fá hann endurgreiddan þannig að ekki geta þeir verið að mótmæla því.

Mótmæli bílstjóra snúast ekki síður um hvíldartíma og reglur í kringum það en eldsneytishækkanir. Enda má færa rök fyrir því að mikilvægara sé að lækka virðisaukaskatt á matvæli frekar en að lækka skatt á eldsneyti þar sem almenningur græðir meira á ódýrari matvælum en ódýru eldsneyti.