Skipt um leiðslur

Þá er búið að skipta um hjartaleiðslur í kallinum. Helstu hjartaæðar orðnar slappar og fullar af drasli þannig að það þurfti að skipta um. Kallinn var settur upp á borðið í dag, dælan tekin úr sambandi og nýjum leiðslum komið fyrir. Aðgerðin gekk vel að sögn lækna og þeir ráðleggja okkur að reyna ekki að keppa við hann í Esjugöngu þegar hann verður búinn að jafna sig í sumar þar sem hann myndi líklega vinna okkur.

Vissulega er maður alltaf stressaður yfir svona aðgerð því hún er langt frá því að vera hættulaus. En pabbi var nú ekki stressaður yfir þessu, hlakkaði bara til og fannst verst að geta ekki séð hvernig þeir framkvæma aðgerðina.

Athugasemdir

[Tinnhildur, 15.4.2008 kl. 19:00]

Ég var einmitt búin að vera frekar stressuð yfir þessari aðgerð hjá karli. Nema hvað að ég hélt að hún væri á morgun, þannig að ég gleymdi að vera extra stressuð í dag, þannig að þegar Finnur sagði mér í dag að aðgerðin væri búin, þá spenntist ég öll upp og fékk massa samviskubit yfir því að hafa ekki verið sérstaklega stressuð í dag.

Pointið með þessari langloku: gott að allt gekk vel og að gamli var ekki að stressa sig of mikið sjálfur.

[Steinn Hafliðason, 15.4.2008 kl. 19:06]

[Eiríkur Harðarson, 15.4.2008 kl. 23:23]

Svona á að taka á málunum, sá gamli hefur marga fjöruna sopið og mun gera áfram.

[Guðjón Guðvarðarson, 16.4.2008 kl. 05:25]

Steinn minn þú skilar bestu kveðjum frá okkur.    Alveg ótrúlegur "gamli" maðurinn.

Tvær svolítið sérstakar og eftirmynnilegar mannlýsingar,  alveg frá sitt hvorum aðilanum,  sem eiga það eitt sameiginlegt að stunda gríðarlega mikil mannleg samskipti.

      " já.. er hann Steinn Hafliðason tengdasonur þinn?  Veistu það, að það er bara til einn "séntilmaður" á Íslandi og það er Hafliði. 

   Hin lýsingin kemur þessu máli ekkert við.  " Það hefur bara, og er bara til einn "hippi"    hérna á  klakanum,  Þór Vigfússon."