Þetta er auðvitað brandarakall

Það er alveg rétt hjá Ecclestone að þetta er brandari en þetta er lélegur brandari. Fólk í stöðu eins og Mosley setur línurnar fyrir aðra og þetta fólk tekur aukinn þátt í að setja siðferði fólks um allan heim vegna uppeldishlutverk sjónvarpsins. Max fer fyrir einni af vinsælustu íþrótt heims. Þegar slíkur maður svívirðir fórnarlömb seinni heimstyrjaldarinnar í kynferðislegum tilgangi ætti viðkomandi að stíga niður og leyfa öðrum að fá tækifæri.

Mosley í vondum málum

Athugasemdir

[Alfreð Guðmundsson (IP-tala skráð) 31.3.2008 kl. 11:16]

Þetta kom náttúrulega á besta tíma, eftir alla skandalana í F1 með iðnaðarnjósnir milli keppinautanna.  Gula pressan í UK verður að hafa eitthvað hneyksli til að fjalla um úr F1.

En Ecclestone hefur hins vegar alveg rétt fyrir sér, þetta snýst um friðhelgi einkalífsins.  Maður vorkennir manngreyinu, því þarna er greinilega brotið á friðhelgi einkalífsins með grófum hætti (sá myndbandið).
Er ekki viss um að við sem getum bloggað og talað um þetta, myndum taka því vel ef að gula pressan færi á eftir okkur hvert fótmál og færi að birta myndir og vídeó af okkur þegar við erum á okkar innilegustu stundum.

Farið að ganga of langt þetta paparassa dæmi allt, ef að fólk getur ekki lengur átt einkalíf ef það skildi nú vera frægt eða nafntogað. 

[Steinn Hafliðason, 31.3.2008 kl. 11:34]

Það er rétt, þetta er auðvitað einkalíf karlsins en með netvæðingunni varð fólk í áhrifastöðum fyrir auknum fiskabúrsáhrifum þ.e. þér er ekki varnað að fólk geti horft á hvað þú gerir hvort sem það er vinna eða einkalíf ekki frekar en gullfiskur í fiskabúri.

Ef þetta hefði verið venjulegur maður í venjulegri vinnu hefði þetta ekki þótt merkilegt en því er ekki til að heilsa. Það eru börn og unglingar alls staðar í heiminum sem horfa á þennan mann sem stýrir þessari stóru íþróttahreyfingu og ef þeir fá skilaboð um að þetta sé hið besta mál hvað eru þau þá að læra? 

[Gulli (IP-tala skráð) 31.3.2008 kl. 15:00]

Þau læra kannski að heimurinn er ekki fullkominn. Það er ekki í verkahring frægra einstaklinga að ala upp börnin þín. Og af hverju ætti hann að segja af sér ef störf hans fyrir hreyfinguna eru óaðfinnanleg?

Og að tala um þetta sem íþróttahreyfingu er náttúrulega brandari út af fyrir sig, þetta er náttúrulega ekki íþrótt frekar en skák.

Og hvaða ábyrgð ber morgunblaðið í þessu máli. Hvernig væri nú að fjölmiðlar hættu að dreifa svona gjörsamlega ófréttnæmri frétt út um allt. Hvað í andskotanum kemur það okkur við þó einhver einstaklingur sé það illa brenglaður að hann geti ekki lifað "eðlilegu" (hvað svo sem það þýðir) kynlífi heldur þurfi að leigja sér konur í smá leikþátt. Eins og þú sagðir, þetta hefði ekki verið frétt ef einhver út í bæ hefði gert þetta. Hvernig væri að snúa þessu frekar upp á vændishliðina, af hverju gat maðurinn gert þetta.

Og af hverju eru mest lesnu fréttirnar á mbl oftast slúðrið af fræga fólkinu? Hvaða þátt eigum við í því að blása upp svona kynlífshneykslis sögur svo unglingar og börn eigi greiða leið að svona mannskemmandi vitleysu.

[Steinn Hafliðason, 2.4.2008 kl. 11:42]

Ég er nú ekki viss um að fólki sé sama hvert það sendir börnin sín þegar um íþróttir er að ræða. Formúla 1 er hluti af akstursíþróttum og ein af þeim vinsælustu í heiminum.

Ég hef ekki áhuga á að börnin mín hugsi um nasistakynlíf þegar þau horfa á formúluna. Þess vegna væri best að mínu mati að hann myndi stíga sjálfur úr sviðsljósinu.