Bakarameistarinn

Konan mín er að heiman í nokkra daga og það var kökubasar í leikskólanum í dag. Minn maður ætlaði nú ekki að klikka á þessu enda búinn að fá góðlátleg skot frá betri helmingnum um að mér tækist ekki að baka sjálfur köku fyrir basarinn.

Eftir að hafa keypt inn og komið syninum í háttinn tók ég til við að baka. En það gekk ekki vel og ég þurfti að henda deginu. Urrr...tók til allt sem þurfti í aðra tilraun og ætlaði að snara upp köku fyrir leikskólann um morguninn og leyfa syninum að njóta þess með mér enda finnst honum fátt skemmtilegra en að baka með mömmu sinni.

En í annað sinn tókst mér að eyðileggja þessa uppskrift við mikil vonbrigði hjálparkokksins. Sennilega er uppskriftin bara eitthvað skrýtin. Ég held ég haldi mig bara við einhver önnur heimilisstörf sem ég er betri í s.s. að skipta um perur.

Athugasemdir

[Eiríkur Harðarson, 8.3.2008 kl. 01:45]

Hva ertu ekki bestur í að stjórnun sjónvarpsfjarstýringarinnar.

[Steinn Hafliðason, 8.3.2008 kl. 16:43]

ég er sérlega laginn á fjarstýringuna

[Guðjón Guðvarðarson, 8.3.2008 kl. 22:38]

Aldrei hefur mér dottið í hug að bakstur gæti orðið vandamál

Auðvitað löndum við svona einföldum hlut fullkomnlega eins og öðru, það hefur einhver svikið þig með upskriftina og ég þarf að gera þetta einhvern tímann til að sýna ummheiminum fram á réttmæti kenningar minnar.+

Hva??? Getur ekki verið neitt mál,  fullt af allskonar fólki sem getur þetta. 

[Anna Sigga, 9.3.2008 kl. 10:34]

 Ég trúi þessu allavega ekki Steinn. Ef þú hefur fylgt uppskriftinni til hlítar og hún verið rétt, þá á allt að vera í lagi.

 Ég hef allavega trú á þér.

Fórstu þá bara til Vöku útí Bakarameistarann og keytpir köku fyrir basarinn!?!

[Steinn Hafliðason, 9.3.2008 kl. 13:32]

Ég bauð þeim brjóstsykur en það dugði víst ekki

[Brynja skordal, 10.3.2008 kl. 01:08]

Hvernig kaka var þetta eiginlega sem þú ætlaðir að baka? en þú reyndir þitt besta ekki satt kannski ekki þín deild

[Briet (IP-tala skráð) 10.3.2008 kl. 03:48]

Thad er gott ad vita ad madur er omissandi, hi hi

Briet i utlandinu.

[Steinn Hafliðason, 10.3.2008 kl. 12:10]

Ég lagði mikla vinnu í að velja eins einfalda uppskrift og hugsast gæti til að þetta myndi nú ekki klikka

[Guðjón Guðvarðarson, 11.3.2008 kl. 17:04]

Hún hefur verið of einföld,  prófaðu eitthvað í stíl við bækurnar sem þú ert að  lesa  ( og þína getu ) td.  fallega brúðkaupstertu.

[Steinn Hafliðason, 12.3.2008 kl. 08:58]

 ha ha, það væri nú líklegt til að snúast upp í andhverfu sína og verða skilnaðarkaka í staðinn fyrir brúðkaupstertu. En ég get útvegað pizzu með stuttum fyrirvara án vandræða