Kvef, hiti og annað ógeð

Núna liggum við fegðarnir upp í rúmi, stíflaðir af kvefi og með hita. Ég ætlaði reyndar ekki að fá þessa flensu. Búinn að vera á mörkunum í nokkra daga og einfaldlega afneitað henni með öllu eins og góður stjórnmálamaður og þannig haldið henni réttu megin við þröskuldinn. Ég varð þó á endanum að játa mig sigraðan í morgun og hefur ævintýrið upp á heiði í gær sennilega gert útslagið þar sem ég var illa klæddur í slydduóveðri að reyna að ná bílnum mínum upp á veg.

Þetta tekur þó yfirleitt af á innan við sólahring hjá mér þannig að ég kvíði engu. Vona bara að sonur minn geri slíkt hið sama. Við ætlum bara að njóta kvöldsins eins og hægt er og láta kvenmanninn á heimilinu stjana við okkur.

Athugasemdir

[Halla Rut , 22.2.2008 kl. 01:15]

Blessaður haltu þig inni svo þú smitir ekki okkur hin.  Nei...nei bara að fíflast....Farðu vel með þig og gleymdu umheiminum, það er eina leiðin til að komast yfir flensu...

[Steinn Hafliðason, 22.2.2008 kl. 08:58]

Æ þakka þér fyrir Halla. Hálfur dagur með hita er nóg fyrir mig ég má ekki vera að því að standa í svona rugli. Ég er kominn aftur á ról og hressari sem aldrei fyrr, ferðast bara með snítipappírsrúllu með mér í dag og þá verð ég góður þangað til næsta vetur