Léleg afsökun

Það þarf ekki mikla kunnáttu til að gera sér grein fyrir að þú þarft að borga af lánunum þínum. Þetta kallast agaleysi í mörgum tilvikum.

Auðvitað kemur það fyrri og ég þekki dæmi þess þar sem áföll og veikindi, breyttar aðstæður o.s.frv. hafa farið illa með fjárhag heimilins en það fellur væntanlega ekki undir vankunnáttu.

Það að spenna bogann eins hátt og hægt er að komast er einfaldlega ekki skynsamlegt. Þá gæti einhver sagt að það sé bara ekki hægt að kaupa sér íbúð í dag án þess að spenna bogann. Rétt er það að íbúðir eru dýrar. En það hefur alltaf verið erfitt að byrja að búa ég þekki það alveg sjálfur af eigin raun. En það er alltaf til ódýrari íbúðir á markaðnum en almennt verð segir til um. Það að eyða góðum tíma í að leyta að ódýrari íbúð getur orðið langbesta tímakaup sem viðkomandi getur nokkurn tíman fengið um ævina. Félagi minn eyddi 3 mánuðum í að kaupa sér íbúð og sparaði sér 3 milljónir með því að finna á endanum ódýrari íbúð. Hann hefur þannig verið að spara sér 1 milljón á mánuði sem er ágætis launauppbót.

Ein af ástæðunum fyrir því að íbúðarverð hefur hækkað svona er að fólk tekur verðinu eins og það sé óhagganlegur sannleikur. Í staðinn fyrir að bjóða lægra verð en því er boðið og halda áfram að leyta er einfaldlega borgað uppsett verð. Það að fá ekki samþykkt tilboð í einhverja íbúð þýðir ekki að maður sé að missa eitthvað. Maður heldur bara áfram að finna góða íbúð sem er verðlögð undir meðalverði markaðarins. Ekki skemmtileg vinna en hún er mjög vel borguð.

Með marga tugi milljóna á bakinu

Athugasemdir

[Steinn Hafliðason, 2.2.2008 kl. 09:51]

Sæll Tómas

Ég er ekki klár á "i" og "y" værirðu til í að skilgreina það fyrir mig?

[G. Gunnarsson (IP-tala skráð) 2.2.2008 kl. 15:58]

Ágætis pæling hjá þér. Kem ekki auga á neinar y villur.

Fólk hefur farið offari í bjartsýniskasti undanfarinna ára. Það þarf engan snilling til að sjá að lántaka eykur kaupmátt tímabundið en hefur áhrif til skerðingar á kaupmætti þegar fram í sækir. Á því hagnast fjármagnseigendur sem hafa komið peningunum sínum í umferð og margfaldað virði þeirra og um leið eigið fé fjármálafyrirtækjanna sem vaxið hafa og dafnað sem aldrei fyrr.

Keppni um síðasta húsnæðið hefur staðið yfir nú í meira en 8 ár og fermetraverðið á höfuðborgarsvæðinu farið úr því að vera undir 100þ í yfir 300þ. Og mismunurinn hefur verið fjármagnaður á lánum. Undir því yfirskyni að betra sé að borga sjálfum sér en leigja. Í reynd er fólk þannig að leigja af bönkum og fjármálastofnunum og hefur án þess að hugsa sig frekar um gengist við því að endurgreiða 10 milljóna lán með 28 milljónum á umsömdum lánstíma. Aðeins horft á afborganir og sagt þá er ég að leigja fyrir svo og svo mikið á mánuði. En come on. Þú ert ekki að borga 10 milljónir fyrir eignina, heldur 28 milljónir framreiknað og það er fullkomlega fáránlegt. Þannig er fasteignaverð komið langt fram úr allri skynsemi og markaðslögmálið um framboð og eftirspurn gildir ekki lengur. Alltaf bíður einhver eftir því að annar vitlausari komi og kaupi af honum "góssið" fyrir dýrara verð. Þetta hefur virkað undanfarin ár en lögmálið segir "what goes up must come down". Þannig er það bara. Bankarnir eiga sjálfir að bera ábyrgðina á eigin útlánum. Þið kusuð sjálfstæðisflokkinn og þetta er afraksturinn af einkavæðingarstefnunni og stofnun hins mikilfenglega fjármálageira sem kappkostað hefur verið að koma svo rækilega á laggirnar.

Ef þú liggur á meira en 40 milljónum í húsnæði skaltu losa peninginn og ávaxta á örðum vettvangi. Þú getur fengið 15% vexti í bönkum í dag og það eru litlar 6 milljónir á ári. Þannig ert þú að tapa 500þúsund krónum á mánuði í hreina ávöxtun af þessum peningum. Hefur nokkur efni á að liggja með slíkt fjármagn í steypu?

Íslendingar eru hálfvitar.

[Steinn Hafliðason, 2.2.2008 kl. 16:46]

Ef það eru einhverjar y & i stafsetningarvillur biðst ég afsökunar á því.  Ég á það til að ofmeta "y" á kostnað "i" og hefur það frekar ágerst eftir því sem ég eldist.