Þarna er ég sammála

Mér er það óskiljanlegt að vesturveldin með BNA í broddi fylkingar séu stanslaust að gagnrýna Pakistan fyrir linkind gegn ofsatrúarmönnum. Málið er að í Pakistan er ein helsta uppspretta öfgahyggju og það er meira en að segja það að berjast við slikt ástand. Á viku hverri heyrast fréttir af bardögum milli hersins og öfgamanna. Það er rétt hjá Musharraf að það gæti haft alvarlegar afleiðingar fyrir evrópu og BNA ef stríðið í Pakistan tapast. Það þarf ekki annað en að setja smá tenginu við það hvernig ástandið í Afganistan var þegar árásin var gerð á tvíburaturnana 2001 til að skilja afleiðingarnar. Ekki geri ég ráð fyrir að BNA vilji slíkt þjóðfélagsástand í Pakistan.

Þá er mér spurn yfir því hvort Pakistan sé undir það búið að búa við lýðræði. Það gæti alveg eins farið þannig að öfgamenn kæmust til valda eins og gerðist í Palestínu. Hvað ætlar BNA að gera þá? Að mínu mati ættu vestuveldin frekar að reyna að hjálpa til að vinna gegn öfgahreyfingum fremur að ýta undir þau. Sjálfir hafa Bandaríkjamenn ekki náð neitt sérstökum árangri gegn öfgamönnum í Írak þannig að þangað til ættu þeir að segja minna og gera meira.

Musharraf aðvarar Vesturlönd

Athugasemdir

[Ásgrímur Hartmannsson, 26.1.2008 kl. 11:10]

Bandaríkjamenn eru náttúrlega segull fyrir öfgamenn í Írak.  Þeir gætu verið ástæða þess að ekkert hefur verið terroristast að ráði á vesturlöndum nú svo árum skiftir; terroristarnir eru allir uppteknir í Írak.

[Steinn Hafliðason, 26.1.2008 kl. 11:35]

Það hafa verið gerðar árásir m.a. í Bretlandi. Stundum hefur hins vegar verið komið í veg fyrir árásir þar sem öfgahópar hafa verið handteknir áður en þeir hafa látið til skara skríða s.s. í Þýskalandi, Danmörku og Bretlandi.

Hryðjuverkaógnin er því klárlega til staðar og sennilega meiri fyrir evrópu nú en fyrir BNA. Það vekur mér furðu að evrópuleiðtogar okkar skuli haga sér eins og þetta sé eitthvað einfalt mál.

[Gulli (IP-tala skráð) 28.1.2008 kl. 19:02]

Mér fannst nú best þegar hann bað fólk að finna aðferðir til að svindla í kosningunum og láta hann vita. Svo mundi hann náttúrulega láta yfirkjörstjórn vita. Mér fyndist nú eðlilegra að sleppa milliliðnum.