Nammidagurinn litli

Í dag er (löglegur) nammidagur. Búinn að vera í Bootcamp síðustu daga og á laugardögum má ég hafa nammidag. Eftir hlaup og æfingar síðustu daga er ég hins vegar með svo mikla strengi að það er varla að ég nenni út í búð að kaupa mér nammi og annan ólifnað.

Ég lét þó verða af því og keypti mér fullan poka af alls konar góðgæti sem kætir bæði Karíus & Baktus sem og vigtina. Í hádeginu byrjaði svo ballið, pizza rann ljúflega niður hungraðan bóndason og því var skolað niður með alvöru sykruðu kóki.

Það vildi ekki betur til en svo að xxx pizzan fór öfug ofaní mig þannig að ég fékk illt í magann af þessu ógeði og gat ekki farið að gæða mér á annari fæðu fyrr en um kvöldmatarleytið. Þrátt fyrir góðan vilja verð ég að skilja ca helminginn af öllu sem ég keypti eftir til næstu helgar

ég er illa svikinn og heimta endurgreiðslu á nammideginum mínum

Athugasemdir

[Signý, 13.1.2008 kl. 00:08]

hehehehehehe.... greyið... illa farið með góðann dreng ha?

[Eiríkur Harðarson, 13.1.2008 kl. 00:26]

Steinn minn bara að hjóla meira.

[Jens Guð, 14.1.2008 kl. 23:28]

  Pizza-staðir eru þvílikir sóðastaðir að heilbrigðiseftirlitið hefur ekki undan við að gera athugasemdir.  Þó veit það minnst um sóðaskapinn sem þar viðgengst.  Ég þekki fólk sem hefur unnið á vinsælustu pizza-stöðunum.  Eftir þeirra frásagnir myndi ég frekar vilja sópa upp af gólfi staðanna og snæða það sem þar fellur til en kaupa af þeim pizzu.  Menn þurfa ekki að undrast að fá í magann eftir að hafa borðað það sem frá pizza-stöðum er afgreitt.  

[Steinn Hafliðason, 16.1.2008 kl. 13:19]

Já það er ekki sama hver sóðamaturinn er sem maður lætur ofaní sig