Ekki gott að setja sér markmið

þessi ráðgjafi ætti ekki að setja sér markmið. Það vita allir sem hafa sett sér markmið að það er til lítils enda verði þeir sem setja sér markmið dæmdir til þess að ná minni árangri en aðrir. Við skulum frekar ekki gera neitt og ekki reyna að gera líf okkar betra á komandi ári. Best væri ef flestir myndu bara taka því rólega og sitja fyrir framan sjónvarpið þegar heim er komið úr vinnunni svo þeir þurfi ekki að leggja of mikið á sig í annars afar slæmu þjóðfélagi.

Ég ætla ekki að setja mér markmið fyrir árið 2008 um eftirfarandi atriði:

• að klára námið mitt í maí 2008
• að fá hærri laun
• að vera meira með fjölskyldunni
• að ná aftur "réttri" þyngd fyrir maímánuð (þyngdin verður ekki uppgefið hér)
• að borga niður skuldir

Augljóslega eru markmið sem þessi til þess fallin að mér líði verr á árinu 2008 en árið 2007 þannig að ég ætla að forðast að hugsa um þessa hluti.

Áramóraheitin ekkert sniðug

Athugasemdir

[Sigurjón, 27.12.2007 kl. 15:41]

Jamm, á sama hátt ætla ég mér ekki að setja mér markmið um:

* Að vera bara búinn í skóla...

* Að halda háu kaupi.

* Að vera meira með ímynduðu fjölskyldunni minni (er frá Indlandi).

* Að þyngjast enn meira.

* Að byrja aftur að reykja.

* Að drekka meira af bjór.

* Að kýla nágrannann á lúðurinn!

Bæjó...

[Nanna Katrín Kristjánsdóttir, 27.12.2007 kl. 15:47]

Kannski ekki allir sem meika pressuna um að klára öllu þessi flott loforð.  Gæti ollið kvíða.  Svo ef maður ætlar sér of mikið verður stundum bara ekki neitt úr neinu.

[Steinn Hafliðason, 28.12.2007 kl. 11:52]

Markmið þurfa ekki að vera stór í sniðum. Það getur hvers smíðað sér stakk eftir vexti. Fyrir þann sem er að reyna að létta sig er kannski nóg að setja sér markmið um að mæta í ræktina til að byrja með áður en það eru sett markmið um að létta sig. Eða fyrir þann sem renndi kreditkortinu aðeins of oft í gegnum posann fyrr jólin að borga niður ákveðna upphæð af reikningnum á hverjum mánuði og semja um það við kortafyrirtækið.

Markmið eiga ekki endilega að bjarga heiminum heldur til þess að maður nái aðeins meiri árangri en maður myndi gera án þeirra. Þau eru eins konar leiðarvísir að því sem þú vilt ná að gera. Skráning niður á blað hvað þú ætlar að gera í vikunni er dæmi um markmiðasetningu. Það er alveg á hreinu að það sem er skrifað niður á blað, verkefnalisti og markmið eru til þess fallin að fólk gerir meira af því sem það vill eða þarf að gera svo lengi sem það er sniðið að aðstæðum hverju sinni.

[Nanna Katrín Kristjánsdóttir, 28.12.2007 kl. 11:54]

Það er rétt hjá þér Steinn en ég er viss um að þeir eru að tala um þannig markmið.  Markmiðin hljóta að vera í takt við kröfurnar í dag og kröfurnar eru að drepa marga.

[Steinn Hafliðason, 28.12.2007 kl. 13:29]

Já því er ég sammála Nanna. Kröfur samfélagsins eru á köflum ótrúlegar. Ríkidæmi, glæsileiki og fullkomnun eru að sliga marga.

Þessi stöðugi samanburður eru að valda mörgum manninum sálrænum erfiðleikum og tel ég að lífstílsauglýsingar spili þar stórt hlutverk. Það er umhugsunarefni hvort íslendingar séu hamingjusamari í allri sinni efnishyggju en aðrar þjóðir sem eru ekki eins efnaðar.