Borgarumferð framtíðarinnar

Þetta er eitthvað sem á eftir að verða hluti af hverri borg. Í staðinn fyrir strætó og hefðbundna bíla áttu eftir að panta þér bíl í götuna þína í líkingu við þennan. Þú smellir svo bara á staðinn sem þú vilt fara á og smellir debetkortinu í.

Bílarnir verða að sjálfsögðu tölvustýrðir þannig að það verður enginn hraðakstur og engir árekstrar. Umferðaræðarnar ná hámarksafköstum á álagstíma.

Engir einkabílar og engin umferðarslys. Þú getur meira að segja lagt þig meðan bílinn brunar á áfangastað.

Á flugvöllinn í fjarstýrðu hylki

Athugasemdir

[Eiríkur Harðarson, 19.12.2007 kl. 14:06]

Steinn minn eru menn ekki farnir að lifa sig FULLMIKIÐ inní bíómyndirnar, bæði þú og viðkomandi blaðamaður. Ekki þarft þú nú að bíða í ofvæni eftir þessum tímamótum, enda löngu kominn undir græna þegar það verður.

[Steinn Hafliðason, 19.12.2007 kl. 14:49]

Maður veit aldrei, ég meina þetta er bara eins og lest. Það er alveg jafn gott fyrirkomulag að hafa "bílana" tölvustýrða á teinum inn í borginni. Þetta yrði þá miðstýrt apparat, þú pantar bara með sms eða á netinu og bíllinn kemur heim til þín eftir lestarteinunum eins og leigubíll. Í "bílnum" er snertiskjár með korti og þú bendir bara á þann stað sem þú vilt fara á. Getur eflaust valið um almenningsbíl eða einkabíl og borgar í samræmi við það. Engin mannlega mistök og þar af leiðandi færri slys og betri nýting á bílaflotanum.

Fyrir 15 árum var internetið og tölvupósturinn að fæðast en það er mikil bylting. Ef fólk hefði sagt 5 árum fyrr að það ætti eftir að senda tölvupóst fljótlega eða tala á msn við fólk í Ástralíu hefði fólk talið viðkomandi galinn.

Það má vel vera Eiríkur að ég sé hástemmdur og undir áhrifum mynda eins og Minority Report og Matrix en maður á aldrei að segja aldrei.

Það skildi þó ekki eiga eftir að fara þannig að við ættum eftir að ferðast á gamals aldri í útsýnisflug út fyrir gufuhvolf jarðar eins og um hvert annað sjálfsagt ferðalag sé að ræða.