Er farið að hitna undir Geir?

Það er eins gott að Ólafur Jóhannesson skili einhverjum árangri með liðið. Annars fer fólk að spyrja hvort það geti verið að yfirmaður þjálfarans sé ekki að standa sig. Það er reyndar mín skoðun að eftir slíkt langtímaslaktgengi þá er eitthvað meira að heldur en bara einn maður heldur hljóti það að hafa eitthvað með umgjörðina í heild að gera.

Ég óska þess svo sannarlega að Ólafur Jóhannesson geri góða hluti með liðið en ég verð samt að viðurkenna að ég er ekkert of bjartsýnn því ég held að vandamál liðsins liggi einfaldlega ekki hjá honum.

Ólafur ráðinn landsliðsþjálfari í knattspyrnu til ársloka 2009

Athugasemdir

[Steinn Hafliðason, 30.10.2007 kl. 00:27]

Það er hægt að gera meðal lið að góð með hugarfarinu einu saman. En það gerist ekki með einum manni heldur verða margir hlutir að smella saman. Umgjörðin í kringum liðið, stolt og stemning innan sem utan vallar verður að vera til staðar o.s.frv. Þjálfarinn vinnur bara með leikmennina en KSÍ verður að sjá um umgjörðina og reyna að skapa stemningu meðal þjóðarinnar. Ef enginn hefur áhuga og ekkert er gert fyrir liðið og leikmennina er erfitt að keyra upp baráttuandann sem þarf.