Stöðugar deilur

Mosley mætti alveg fara að taka sér eitthvað annað fyrir hendur en að stjórna formúlunni. Það hafa verið stöðugar deilur undanfarin ár.

Hans helsta keppikefli er m.a. verið að bílarnir verði fjöldaframleiddir og staðlaðir í staðinn fyrir að vera í fararbroddi tækniframfara. Það myndi taka einn af konfektmolum íþróttarinnar.

Svo er alveg satt hjá Steward að það er afar einkennilegt að það eigi að vera sérstakur eftirlitsmaður að fylgjast með Mclaren liðinu. Hvað með Fisichella meðan Alonso var þar eða þeir sem voru í liði með Schumacher. Ætti ekki bara að vera einn eftirlitsmaður sem sér um að taktík liðanna sé alltaf eins. Báðir ökumenn með jafn mikið bensíns, með jafn góða bíla o.s.frv. Hvað ef menn eru ekki sammála hvaða herfræði er best?

Þessar stöðugu deilur sem Mosley hefur verið í við liðin undanfarin ár hefur ekki aukið vinsældir hennar og það væri draumur ef það næðist meiri friður um þessa íþrótt þannig að maður geti farið að njóta hennar meira sem íþróttar en ekki stanslaust verið að lesa um deilumál.

Jackie Stewart hvetur Mosley til afsagnar

Athugasemdir

[Gísli (IP-tala skráð) 15.10.2007 kl. 19:46]

hmmmmm hver ætli borgi mosley launin ætli það sé ekki FERRARI????

[Steinn Hafliðason, 16.10.2007 kl. 15:05]

Ég veit ekki til þess að Mosley sé á launaskrá Ferrari, það væru þá nýjar fréttir. Annars er alveg hægt að segja að með nýjast útspili FIA mætti kalla þá Fernando International Assistance eins og einhver orðaði það hér á blogginu. Það eru engin fordæmi fyrir því að þeir hafi nokkurn tíman sent út sérstakan eftirlitsmann til að verja hagsmuni eins ökuþórs.