Saklaus reykingarmaður

Ég stóð nýlega út á svölum og naut veðursins, horfði á mannlífið í hverfinu og slakaði á. Þar sá ég unga móðir vera að rugga syni sínum í svefn út í garði með sígarettu í munninum. Hún var kannski ekki meðvituð um það sjálf, en hún púaði reyknum stöðugt yfir barnavagninn meðan krakkinn grét sig í svefn. Saklaus reykingamaður þar á ferð sem fékk litlu ráðið um eigin hag.

Reykingar með börn í bíl er „ofbeldi“

Dauði eða blómatíð

Dellulesning og vitleysa er þetta. Annað hvort blasir við að allir fiskar í sjónum drepist á 40 árum eða fiskimiðin blómstri. Það er bara annað hvort og ekkert þar á milli. Vissulega þurfa þjóðir að huga að fiskistefnu sinni og þeirri rányrkju sem á sér stað í sjónum. Þar fer saman mengun, rányrkja glæpamanna og græðgi stjórnmálamanna sem hafa valdið því að sumir fiskistofnar hafa dáið út eða eru við það að deyja út en að halda því fram að allir fiskar í sjónum drepist er bara fásinna og vitleysa. Þorskurinn við Ísland mun ekkert drepast þó að ESB þurrki upp allann sinn þorsk...nema Ísland gangi í ESB þá er reyndar hætta á því. Fyrst og fremst þurfa menn þó að ræða þessi mál í öðru en svarthvítum upphrópunum.

Ef maður tæki mark á öllu þessu bulli verður ekkert nema eldgos, miðbærinn fer undir vatn vegna gróðurhúsaáhrifa, enginn fiskur í sjónum, ekki hægt að fljúga næstu 5 árin vegna ösku og ísöld vegna þess að sólin er ekki að gjósa (sem fer reyndar ekki saman við hitaaukningu vegna gróðurhúsaáhrifa).

Enginn fiskur árið 2050?

Þær gjósa allar

Miðað við þær fréttir og vangaveltur sem hafa verið í fjölmiðlum um væntanleg eldgos er eins gott að flytja bara strax suður fyrir miðbaug. Hekla er ólétt og Katla gýs alltaf þegar Eyjafjallajökull gýs og Óli forseti segir að Eyjó sé bara fyrir túrista miðað við Kötlu. Um daginn sá ég vangaveltur um að Bárðarbunga væri hugsanlega að fara að gjósa og þá væri sko ástæða til að vara sig. Stærsta gos ever hefði runnið þar fyrir 8.500 árum og liggur undir stórum hluta suðurlandsundirlendis. Óli, you ain't seen nothing yet. Nýleg grein gaf í skyn að við værum að sigla inn í eldgosatímabil þar sem eldfjöllinn keppast hver við aðra að spúa ösku og eymirju yfir klakann okkar. Ekki nóg með það heldur er nú verið að segja okkur að sunnlenskar eldstöðvar séu komnar í einhvers konar keppni sín á milli um hver er flottust. Ég fer nú bara að velta fyrir mér hvort Lára miðill hafi þrátt fyrir allt rétt fyrir sér sennilega verður landið umflotið hraunflóðum áður en langt um líður.

Hjarðhegðun eldstöðva

Áfall

Ég vona að hún jafni sig aumingja konan. Sennilega kom storkurinn með barnið hennar

Mök í miðjum tíma

Ekki beint það sem við gerum um páskana er það?

Í fyrsta lagi eru páskaegg sjaldnast úr dökku súkkulaði og því er þetta varla viðeigandi fyrirsögn í tengslum við páskaeggjaneyslu. Í öðru lagi borða íslendingar margfalt það magn af sykri og sætindum sem æskilegt getur talist og í þriðja lagi hef ég fá séð sem borða einn lítinn bita á dag af páskaegginu sínu. Miklu algengara er að sjá krakka útataða í framan af páskaeggjaáti líkt og þau væru nýdottin á andlitið í drullupoll og svo ráða foreldrar ekki við krakkana vegna sykurofvirkni enda ekki óalgengt að krakkar borði 2-3 páskaegg yfir hátíðina oft stærstan hluta á sama deginum. Að lokum fá svo krakkagreyin illt í magann af öllu saman.

Páskaegg góð fyrir heilsuna?

Fimmvörðubóla

Hvað með nöfn eins og:

Fimmvörðubóla

Sjötta varðan

Hraunfoss

Hrunsgígur

Hraunslaug

Vörðufell (það er reyndar til:)

Fimmvörðuhnúkur

Miðnæturkeila

Barkakýli

Þórsmerkurtindur

Ekki meira í bili en það er hægt að búa til fullt af góðum örnefnum í kringum þetta eldgos.

Fimmvörðufjall?

Egg

...og þá voru eftir 5

Fór út að borða nýlega á fínum veitingastað og fékk mér m.a. gæs af matseðlinum. Tók svo eftir því í morgun þegar ég mætti í vinnuna að þar sem venjulega voru 6 gæsir að bíta gras við götuna voru núna einungis 5.

Ekkert til að hafa áhyggjur af

Íslensku strákarnir þurfa bara að vinna danina og þá verða þeir efstir í sínum riðli. Strákunum okkar verður ekki skotaskuld úr því að rassskella þessa monthana og ég sé því fyrir mér að þeir fari með 3 stig inn í milliriðilinn.

Hvernig byrjar maður

Hvernig ætli hann hafi útskýrt að hann eigi 8 hjákonur? Honum hefur allavega ekki farist það vel úr hendi!!!

Eiginkonan farin frá Tiger